Á fullri ferð inn í framtíðina með Genesys
Það hefur verið mikill gangur í heimi samskiptavera undanfarið hjá Advania og hefur Genesys samskiptaverslausnin slegið í gegn enda leiðandi í heiminum á þessum markaði.
Genesys teymið stækkar
Genesys Xperience
Á dögunum hélt Genesys ráðstefnu fyrir viðskiptavini í Evrópu og fór yfir það helsta og framtíðina.
Að sjálfsögðu var mikið talað um gervigreindina endar er hún stór hluti í kerfinu og aðstoðar fyrirtæki við að veita sínum viðskiptavinum betri þjónustu en einnig er mikil áhersla á Agent Copilot sem aðstoðar starfsmenn samskiptavera við að verði betri í starfi og skilvirkari.
Í framtíðarsýn Genesys munum við sjá mun meira um að gervigreind leysi málin og þá jafnvel að viðskiptavinir noti gervigreind til þess að hafa samband og mun þá gervigreind hafa samband við gervigreind.
Nokkrir viðskiptavinir kerfisins töluðu um sína reynslu af kerfinu og var fróðlegt að sjá hvernig fyrirtæki eins og Lufthansa og Radobank eru að stórbæta sína þjónustu með því að nýta möguleika í Genesys kerfinu.
Genesys samfélagið
Genesys samfélagið á Íslandi fer ört stækkandi og reynum við eftir fremsta megni að veita upplýsingar um allar þessar nýjungar í kerfinu. Það gerum við með samtölum og reglulegum fundum tengdum þjónustusamningum en einnig höldum við árlegan morgunverðarfund, förum í ferðir til að hitta aðra notendur kerfisins eða á ráðstefnur eins og Genesys Xperience
Næsti morgunverðarfundur verður 16. okt. næstkomandi og verður haldinn á Nordica. Þar mun Genesys fara yfir það heitasta í kerfinu í dag og skyggnast aðeins inn í framtíðina. Genesys og Salesforce hafa unnið mikið saman og eru komin með fullkomna samþættingu. Óli úr Salesforce teyminu mun tala um þessa samþættingu og hvernig kerfin bæta hvort annað upp. Að lokum mun hún Catherine frá Icelandair tala um þeirra reynslu og hvernig samskiptaver Icelandair hefur vaxið með Genesys ásamt framtíðarsýn þeirra.