08.06.2022

Advania setur jafnrétti og viðskiptasiðferði á oddinn

Að þjálfa starfsfólk í heilbrigðu viðskiptasiðferði og koma notuðum tölvubúnaði viðskiptavina í endurnýtingu, voru meðal áhersluatriða Advania á Íslandi í sjálfbærni árið 2021, eins og fram kemur í nýútkominni sjálfbærniskýrslu félagsins.

Advania hefur einnig lagt mikla áherslu á að fá fleiri konur til starfa í tæknigeiranum, meðal annars með því að veita námsstyrki til kvenna sem leggja fyrir sig nám í kerfisstjórnun hjá Prómennt og NTV. Verkefnið hefur góðan árangur borið og stuðlað að mikilli aukningu kvenna í náminu.

Advania á Íslandi hóf undirbúningsvinnu á árinu að setja markmið tengd loftslagsvísindum (Science based targets) en Advania á Íslandi hefur skuldbundið sig að fá markmið sín samþykkt af Science Based Target Initiative. Í þriðju sjálfbærnisskýrslu Advania, sem gefin var út á dögunum og nær til starfsemi allrar Advania-samstæðunnar á árinu 2021, kemur fram hvernig fyrirtækinu miðar í átt að markmiðum sínum.

Advania stefnir á að vera leiðandi í upplýsingaöryggi og persónuvernd, vera eftirsóknarverður vinnustaður og leiða áfram stafræna þróun í þágu samfélagsins. Advania á Íslandi er með ISO 27001 og á árinu var jafnlaunakerfið endurvottað samkvæmt ÍST 85:2012.

Advania virðist heilbrigður vinnustaður með ánægt starfsfólk,  samkvæmt niðurstöðum vinnustaðargreiningar sem gerð var á árinu.

Advania hefur í áratugi hjálpað viðskiptavinum sínum við að ná árangri í með stafrænni þróun. Í skýrslunni má finna sögur af því hvernig Advania hefur í samstarfi við íslenska ríkið unnið að því að auðvelda samskipti borgara við ríkið og aðgang þeirra að upplýsingum.

Skýrslan dregur ekki undan í umfjöllun um áskoranir sem Advania og upplýsingatæknigeirinn standa frammi fyrir. Þar má nefna netöryggi, aukna þörf fyrir starfsfólk með tæknimenntun og áskoranir í  aðfangakeðju á tölvubúnaði. Helsta viðbótin frá fyrri skýrslum er ítarlegt yfirlit yfir helstu sjálfbærniáhættur Advania og hvernig fyrirtækið nálgast þær.

Það sem einkenndi árið hjá Advania -samstæðunni var mikill vöxtur á Norðurlöndunum og aukin áhersla á sjálfbærni og viðskiptasiðferði bæði í starfseminni og aðfangakeðjunni.

Við hvetjum þig til að kynna þér sjálfbærnisvinnu Advania og lesa skýrsluna okkar.

Lesa sjálfbærniskýrsluna
Þóra Rut Jónsdóttir
forstöðumaður í sjálfbærni

Efnisveita

Um tuttugu fyrirtæki í upplýsingatækni hyggjast ráðast í átak til að auka þátttöku kvenna í geiranum.
Truflanir sem urðu á neti hjá hluta viðskiptavina Advania, föstudaginn 24.júní, stöfuðu af hugbúnaðarvillu sem hafði veruleg áhrif á stýringu umhverfisins.
Að þjálfa starfsfólk í heilbrigðu viðskiptasiðferði og koma notuðum tölvubúnaði viðskiptavina í endurnýtingu, voru meðal áhersluatriða Advania á Íslandi í sjálfbærni árið 2021, eins og fram kemur í nýútkominni sjálfbærniskýrslu félagsins.
Advania hlaut viðurkenningu sem LS Retail Platínum partner 2022 fyrir framúrskarandi árangur sem samstarfsaðili LS Retail nú á dögunum. Verðlaunin voru afhent á árlegri ráðstefnu LS Retail, sem að þessu sinni var haldin hér heima í Hörpu.
Advania hlýtur tilnefningu til Oracle Change Agent verðlaunanna. Þau eru veitt fyrirtækjum sem náð hafa framúrskarandi árangri við að stuðla að nýsköpun, sjálfbærni og stafrænni umbreytingu hjá viðskiptavinum sínum.
Mímir leitaði til Advania með það verkefni að gera fjarkennslu og fjarfundi starfsfólks einfaldari. Val á búnaði, rétt uppsetning og góð þjónusta skiptir lykilmáli.