Fréttir, Nýjasta nýtt - 5.5.2023 13:43:58

Erna Björk fjármálastjóri Advania 

Erna Björk Sigurgeirsdóttir er nýr fjármálastjóri Advania og tekur sæti í framkvæmdastjórn fyrirtækisins. Hún kemur til Advania frá Sýn.

Erna Björk fer fyrir fjármálum og rekstri Advania og leiðir hagdeild fyrirtækisins.

Hún er með BS-gráðu í viðskiptafræði frá Háskólanum í Reykjavík, meistaragráðu í reikningsskilum og endurskoðun frá Háskóla Íslands auk þess að vera löggildur verðbréfamiðlari.

Erna starfaði hjá Sýn frá árinu 2020 þar sem hún var forstöðumaður fjármála og leiddi hagdeild, reikningshald og innheimtu. Áður gegndi hún starfi fjármálasérfræðings hjá Borgun og þar á undan var hún verkefnastjóri á ráðgjafasviði fjármálagreininga KPMG.

„Við hlökkum til samstarfs við Ernu Björk. Hún er afar metnaðarfull, drífandi og smitar út frá sér góðri orku. Ég er sannfærður um að reynsla hennar, ákefð og einstakt viðhorf verði frábær viðbót í framkvæmdastjórn félagsins,” segir Ægir Már Þórisson forstjóri Advania.

„Advania er leiðandi fyrirtæki í upplýsingatækni og það eru sannarlega spennandi tímar fram undan. Ég hlakka til að taka þátt í þróun fyrirtækisins með öllu því öfluga fólki sem þar starfar,“ segir Erna Björk.

Fleiri fréttir

Fréttir
11.06.2025
Advania vinnur að því ásamt NVIDIA að setja upp séríslenskt gervigreindarský, þjónustu sem tryggir íslensku atvinnulífi aðgengi að nauðsynlegu reikniafli til þess að knýja áfram aukna eftirspurn eftir gervigreindarvinnslum. Hérlent gervigreindarský takmarkar nauðsyn mikilla fjárfestinga fyrirtækja og stofnana á fyrstu stigum við innleiðingu og nýtingu gervigreindar, ásamt því að öryggi gagna verður að fullu tryggt.
Fréttir
28.05.2025
Advania hlaut í dag Sjálfbærniásinn 2025 í flokki upplýsingatæknifyrirtækja á Íslandi. Hildur Einarsdóttir forstjóri Advania tók við viðurkenningunni ásamt Þóru Rut Jónsdóttur forstöðumanns sjálfbærni og umbóta hjá Advania.
Blogg
22.05.2025
Meraki er stjórnunarkerfi í skýinu fyrir netbúnað. Með því geta fyrirtæki og stofnanir fylgst með og stjórnað WiFi netum, netbeinum, öryggiskerfum og fleiru í gegnum einfalt stjórnborð á netinu. En af hverju ætti þinn vinnustaður að íhuga Cisco Meraki?
Viltu vita meira?

Tölum saman

Viltu vita meira? Sendu okkur fyrirspurn.