Blogg, businesscentral.advania.is - 29.3.2022 15:08:55

Skiptir stærð fyrirtækja máli í skýinu?

Það hefur verið lífsseig mýta að Business Central í skýinu sé aðeins fyrir lítil félög með einfaldan rekstur og alls ekki með sérbreytingar. Raunin er að skýið hentar jafnt stórum sem smáum og stærð kerfisins skiptir ekki máli.

Högni Hallgrímsson, forstöðumaður á viðskiptalausnasviði Advania, skrifar: 

Helsti þröskuldur fyrir stærri félög er gagnamagn og kostnaður við það. Áður fyrr var það raunverulegt vandamál fyrir Business Central í skýinu, þegar stærð gagnagrunnsins var bundin við 80 Gb og aukapláss reyndist dýrt. Í dag hefur þetta verið leyst af Microsoft með nýrri nálgun og ódýrara viðbótarplássi. Stærð hverrar Business Central uppsetningar í skýinu er nú háð fjölda notenda þannig að við grunnstærðina 80Gb bætast við 2 Gb fyrir hvern notanda. Með þessari nálgun er stærðarvandamálið leyst fyrir nær öll félög þar sem gagnamagnið skalast upp með fjölda notenda.
Ef í einhverjum tilfellum þarf meira geymslumagn eru í boði viðbætur á viðráðanlegu verði sem hægt er að nýta sér, bæði í smærri og stærri skömmtum.

Hvernig eru afköstin þegar notendafjöldi og gögn eru meira en gengur og gerist, ræður Business Central í skýinu við það ?

Stutta svarið er já, Business Central í skýinu ræður við það og þetta eru hlutir sem Microsoft hefur lagt mikla vinnu og metnað í að gera sem best. Í grunninn eru tveir hlutir sem geta haft áhrif á afköst, fjöldi notenda/aðgerða annars vegar og gagnamagn hins vegar.

Á báðum vígstöðvum bregst Business Central í skýinu við auknu álagi og skalar umhverfið upp til þess að notandinn verði ekki var við það ef álag eykst. Hér koma kostir skýjalausna klárlega í ljós, allt þetta gerist sjálfvirkt án þess að mannshöndin komi nálægt. Brugðist er við strax en ekki þegar kerfisstjórinn fær kvörtun.

Álag og geta kerfisins er vel skráð hjá Microsoft svo bregðast megi við og halda áfram að betrumbæta. Í dag eru 99,7 % af öllum fyrirspurnum afgreiddar á fullum afköstum. Þau fáu tilfelli sem ekki falla þarna undir eru afgreidd en bara ekki á 100% afköstum. Það má líkja þessu við að lenda á rauðu ljósi og komast áfram strax á næsta græna. 99,7% samsvarar þá kannski að lenda á rauðu ljósi 2-3 í viku. í Markmiðin eru að gera enn betur og er stefnt á 99,95% sem er sambærilegt því að lenda á rauðu ljósi aðra hvora viku. s.

Hér eru nokkur raunveruleg dæmi um því hvað Business Central í skýinu getur gert:

-Félag með yfir 1000 notendur

-Gagnamagn upp á 400 Gb

-82.000 notendaaðgerðir á klukkustund

-2.700.000 vefþjónustukalla á dag

-6000 bókaðir sölureikningar á dag

-Tugþúsundir fyrirtækja nota Business Central í skýinu.

Stærð fyrirtækja mun því ekki aftra neinum í Business Central í skýinu. Ef þú vilt fræðast meira um það og skoða möguleika þíns vinnustaðar er ég alltaf til í að spjalla og svara spurningum. Endilega sendið mér línu á hogni.hallgrimsson@advania.is 

Fleiri fréttir

Blogg
14.10.2025
Þriðjudaginn 14. október héldu Advania og Genesys vel heppnaðan morgunverðarfund í höfuðstöðvum Arion banka undir yfirskriftinni „Fór í banka án þess að banka“.
Fréttir
10.10.2025
Business Central teymi Advania bauð til morgunverðarfundar fimmtudaginn 9. október þar sem farið var yfir helstu nýjungarnar í Business Central 2025 Release Wave 2, sem kemur út síðar í þessum mánuði.
Blogg
08.10.2025
Dell Rugged fartölvurnar eru einstaklega sterkbyggðar og uppfylla stranga staðla um endingu og þol í erfiðum aðstæðum, svo sem í miklu frosti, raka, ryki, hita, hristingi eða úti á sjó.
Viltu vita meira?

Tölum saman

Viltu vita meira? Sendu okkur fyrirspurn.