Nýjasta nýtt - 01.07.2022

Tæknifyrirtækin kalla eftir konum

Um tuttugu fyrirtæki í upplýsingatækni hyggjast ráðast í átak til að auka þátttöku kvenna í geiranum.

Var það niðurstaða fjölmenns umræðufundar sem fram fór í vikunni þar sem fulltrúar fyrirtækjanna sammæltust um að nauðsynlegt væri að bregðast við þeirri staðreynd að konur eru aðeins um fjórðungur starfsfólks í upplýsingatæknitengdum störfum á Íslandi.  

Það sýna meðal annars niðurstöður kannana Vertonet og Intellecta sem gerðar hafa verið tvívegis á stöðu kvenna í upplýsingatækni á Íslandi. Um 34 fyrirtæki svöruðu könnunni síðast og sýndu niðurstöður að um 25% kvenna starfa við upplýsingatæknitengd störf. Kynjahlutfallið virðist svipað meðal útskrifaðra í tæknitengdu námi í íslenskum háskólum.  

Vertonet og Advania boðuðu því fyrirtækin í geiranum til umræðufundar sem fram fór á Nauthóli á fimmtudag. Þar mátti heyra skýran vilja fyrirtækjanna til að vinna saman að átaki til að; laða fleiri stelpur og konur í tækni, gera kvenfyrirmyndir sýnilegri, bæta menningu fyrirtækjanna og hlúa að fjölbreytni í samsetningu teyma.  

Þá undirrituðu fulltrúar um tuttugu fyrirtækja viljayfirlýsingu um að standa að og fjármagna átak til að bæta úr stöðunni. Fyrirhugað er að stofna stýrihóp og ráða verkefnastjóra til starfa. Ef fleiri fyrirtæki vilja bætast í hópinn má undirrita viljayfirlýsinguna hér.

„Stafræna byltingin kallar á sífellt fleiri sérfræðinga í upplýsingatækni. Kynjahlutfallið í geiranum hefur lítið sem ekkert breyst til batnaðar á undanförnum tíu árum. Það gefur því auga leið að skekkjan gæti orðið viðvarandi ef ekkert verður gert. Það er því allt að vinna með því að fá fleiri konur inn í geirann. Í vaxandi atvinnugrein liggja fjölmörg spennandi tækifæri fyrir konur jafnt sem karla,“ segir Guðrún Helga Steinsdóttir, nýkjörin stjórnarformaður Vertonet.  

Áslaug Arna Sigurbjörnsdóttir, háskóla- iðnaðar- og nýsköpunarráðherra, deildi þeim vilja fundargesta, að nýliðun kvenna í geiranum væri nauðsynleg. „Það skipir höfuðmáli að fjölga konum í tæknigreinum ef við ætlum að ná þeim markmiðum sem að er stefnt í íslensku samfélagi. Ég fagna því þessu frumkvæði enda skiptir máli að allir leggist á árarnar, stjórnvöld, menntakerfið og atvinnulífið. Hér eru tækfæri sem við eigum að grípa!“

Efnisveita

Advania hefur undirritað viljayfirlýsingu Microsoft um að styðja við sjálfbæra þróun í tækni.
Um tuttugu fyrirtæki í upplýsingatækni hyggjast ráðast í átak til að auka þátttöku kvenna í geiranum.
Truflanir sem urðu á neti hjá hluta viðskiptavina Advania, föstudaginn 24.júní, stöfuðu af hugbúnaðarvillu sem hafði veruleg áhrif á stýringu umhverfisins.
Að þjálfa starfsfólk í heilbrigðu viðskiptasiðferði og koma notuðum tölvubúnaði viðskiptavina í endurnýtingu, voru meðal áhersluatriða Advania á Íslandi í sjálfbærni árið 2021, eins og fram kemur í nýútkominni sjálfbærniskýrslu félagsins.
Advania hlaut viðurkenningu sem LS Retail Platínum partner 2022 fyrir framúrskarandi árangur sem samstarfsaðili LS Retail nú á dögunum. Verðlaunin voru afhent á árlegri ráðstefnu LS Retail, sem að þessu sinni var haldin hér heima í Hörpu.
Advania hlýtur tilnefningu til Oracle Change Agent verðlaunanna. Þau eru veitt fyrirtækjum sem náð hafa framúrskarandi árangri við að stuðla að nýsköpun, sjálfbærni og stafrænni umbreytingu hjá viðskiptavinum sínum.