Dynamics 365 Business Central

IS365 (innifalið)

Lausnin er grunnlausn Advania og fylgir öllum uppsetningum, frítt. Lausnin er önnur af tveimur lausnum sem ætlað er að styðja við Dynamics 365 Business Central þannig að það uppfylli skilyrði um íslenskt bókhald. 

*   Kennitölur á viðeigandi stöðum
*   Talnasniðmát stillt af 
*   Vaxtaútreikninga
*   Talnarúnun

Íslenskar sérskýrslur (innifalið)

Lausnin er ein af tveimur lausnum Advania sem bæta við virkni Dynamics 365 Business Central þannig að kerfið uppfylli skilyrði um íslenskt bókhald. Lausnin innifelur nokkrar skýrslur með séraðlögunum, þ.á.m pöntunarstaðfestingu, reikninga og kreditreikning svo fátt eitt sé talið.

* Séraðlögun fyrir íslenskt bókhald
* Skýrslur með viðbætur

Advania bankaafstemmingar

Lausnin sækir bankafærslur og bankahreyfingar og ber saman við afstemmingarlista í Dynamics 365 Business Central út frá ákveðnum forsendum. Lausnin kemur síðan sjálfkrafa með tillögur að afstemmingum sem hægt er að bóka út frá. 

• Færslur og hreyfingar úr banka
• Sjálfvirkar keyrslur
• Tillögur að afstemmingu

Advania bankagrunnþjónustur

Lausnin er grunnlausn fyrir allar bankalausnir Advania. Lausnin sér um rafræn samskipti við banka og vinnur skv. IOBS2005 sambankastaðli sem allir banka nota. Lausnin sér m.a. um innlestur hreyfinga, útgreiðslur, kröfusamskipti og notendastýrð bankaauðkenni.

• Grunnlausn fyrir bankalausnir Advania
• Rafræn bankasamskipti
• Notendastýrð bankaauðkenni

Advania samþykkt

Lausnin vinnur á stöðluðum innkaupaskjölum og stöðluðu samþykktarkerfi í NAV en með sérstökum viðbótum. Kerfið notar staðlað verkflæði sem setja þarf upp m.v. hvaða innkaupaskjöl er verið að vinna með. Hægt er að velja um í uppsetningu hvort einn samþykkjandi er á innkaup eða samþykkt er niður á línur. Búnir eru til notendaflokkar verkflæðis þar sem samþykkjendur eru settir í flokka. Hægt er að vera með einn eða fleiri í flokki. Möguleiki er á því að láta úthluta sjálfkrafa notendaflokki á innkaupaskjölin miðað við fjárhagslykla eða víddir.  

• Útvíkkun á staðlaðri samþykkt
• Vinnuborð samþykkjanda

Advania víddarbreytingar

Lausnin gerir notendum kleift að breyta víddum á bókuðum færslum án þess að þurfa að bakfæra færslurnar áður.
Með lausninni er hægt að breyta víddum á fjárhagsfærslum, viðskiptamannafærslum, lánardrottnafærslum, bókðum söluskjölum og innkaupaskjölum.

• Sparaðu tíma

Advania Creditinfo tenging

Kerfið sér um samskipti við Creditinfo þar sem viðskiptamenn eru merktir og settir í vöktun hjá Creditinfo. Verkröð sér síðan um samskipti og safnar upplýsingum um viðskiptamenn. Eins er hægt að sækja stöðu handvirkt.

• Uppfletting hjá Creditinfo
• Vöktun á viðskiptavinum

Advania rafrænir reikningar

Lausnin byggir á samskiptum við skeytamiðlun Advania og getur bæði sent frá sér söluskjöl sem og tekið á móti rafrænum innkaupaskjölum. Söluskjöl eru bókuð og send en innkaupaskjöl eru flutt inn í innkaupareikninga, innkaupakreditreikninga eða færslurbækur eftir því sem við á.

• Rafrænar sendingar
• Rafrænar móttökur
• Möguleiki á að fletta upp afritum

Advania innkaupaviðbætur

Lausnin heldur utan um aðgerðir sem tengjast bókun innkaupaskjala og athugar meðal annars hvort reikningsnúmer lánardrottins hafi verið notað áður. Einnig athugar lausnin hvort upphæð reiknings sé rétt miðað við innslegnar línur. Hún tryggir ákveðið öryggi í innslætti og lágmarkar áhættu við tvíbókanir.

• Athugar reikningsnúmer lánardrottins.
• Ber saman reikningsupphæð við línur.

Advania áskriftarreikningar

Lausnin heldur utan um samninga viðskiptavina vegna áskriftar á ákveðinni þjónustu eða vöru og einfaldar reikningakeyrslu. Lausnin hentar fyrirtækjum sem selja reglubundna þjónust og vörur, svo sem húsaleigu, þrifaþjónustu, blaðaáskrift, bílaleigu o.s.frv.
Búnir eru til áskriftarreikningar í samræmi við samning á milli fyrirtækis og viðskiptavinar. Þessir reikningar eru búnir til í upphafi viðskiptasambands og haldast fastir í lausninni eða þar til samningur er fellur úr gildi.
Lausnin auðveldar utanumhald um reikningsviðskipti og einfaldar reikningagerð en í stað þess að þurfa að stofna fjölda reikninga um hver mánaðarmót þarf eingöngu að uppfæra reikninga og reikninsgfæra þá í samræmi við samning, með einu haki.

• Hægt að stilla tíðni reikninga
• Vísitölutenging
• Gjaldmiðlatenging
• Einfalt að breyta upphæðum
• Einfalt að breyta upplýsingum í haus reiknings

Advania vöru- og viðskiptamannaafslættir

Með lausninni er möguleiki á margbreytilegum afsláttum viðskiptamanna umfram það sem staðlað Business Central býður upp á. Hægt er að gefa afslátt niður á stakt vörunúmer, kóta yfirflokks vöru, afsláttarflokk viðskiptamanna, verðflokk viðskiptamanna. Einnig er hægt að vera með mismunandi afslátt á viðskiptamann eftir sendist til aðsetrum ásamt því að setja gildistíma á afsláttinn. Þá er einnig hægt að setja takmörkun á hvað ákveðnir notendur geta handvirkt gefið mikinn afslátt í söluskjölum.

• Margbreytilegir afslættir
• Hámark afslátta starfsmanna

Advania EDI

EDI tenging sem byggir á samskiptum við Staka í gegnum vefþjónustu. Kerfið byggir á því að fyrirtæki útbýr innkaupapantanir og sendir í gegnum EDI gáttina til síns lánardrottins. Lánardrottinn móttekur síðan pöntunina og stofnast hún sem sölupöntun hjá honum og er unnið með hana sem slíka. Sölupöntun er síðan bókuð og verður þá til sem bókaður sölureikningur. Pöntunin fer þá sem slík inn í EDI gáttina og þá getur sá sem sendi upprunalega inn innkaupapöntunina móttekið hana og bókað inn í kerfið hjá sér.
 

• Senda pantanir með EDI samskiptum
• Móttaka panta með EDI samskiptum

Advania laun

Lausnin heldur utan um allt sem við kemur launabókhaldi fyrirtækja, þ.e. launþega, vinnuframlag, kjarasamninga gagnvart fyrirtækjum, lífeyrissjóði og skil til ríkisskattstjóra.

• Launþegaupplýsingar
• Útborganir
• Skilagreinar

Advania H3 launatenging

Lausnin býður upp á skáarflutninga úr Dynamics 365 Business Central á viðskiptamannafærslum, þ.e. vöruúttekt og fyrirframgreiðslum yfir í H3. Vefþjónustutenging úr H3 launum yfir í Dynamics 365 Business Central með bókuðum launagögnum, þ.e. fjárhags, lánardrottna og viðskiptamannafærslum yfir í færslubók.
 

• Skráarflutningur úr Business Central í H3
• Vefþjónustutenging úr H3 í Business Central
• Flutningur á launagögnum úr H3

Advania viðhengjageymsla í Azure

Lausnin færir öll viðhengi sem eru skönnuð eða lesin inn yfir í sérstaka viðhengjageymslu í Microsoft Azure umhverfi. Með þessu er hægt að spara dýrmæt gagnapláss í Dynamics 365 Business Central en gagnaplássið í Microsoft Azure er mun hagkvæmara.

• Viðhengi færð í Microsoft Azure
• Hagkvæmari gagnageymsla

Advania skjalasendingarþjónusta

Lausnin sér um að senda söluskjöl á pdf formi á viðskiptavini, þegar þau eru bókuð, út frá forstillingum á viðskiptamannapspjaldi. Einnig er hægt að skilgreina hvort prenta eigi út skjalið, senda það í tölvupósti, senda sem rafrænan reikning í skeytamiðju Advania eða senda sem EDI skjal. Lausnin vinnur því með öðrum lausnum Advania.

• Rafræn söluskjöl í tölvupósti
• Forstillingar á viðskiptamannaspjaldi
• Möguleiki á vistun skjala miðlægt

Advania skönnun viðhengja

Launin skannar skjöl, geymir þau í Skjölum á innleið og getur tengst ýmsum kerfishlutum s.s. tengdum innkaupaskjölum, söluskjölum, færslubók ofl. Lausnin vinnur með samþykktarkerfi með verkflæði ásamt því að hægt er að skanna beint inn í Skjöl á innleið og tengja síðan við skjöl og töflur þaðan eða skanna beint inn í innkaupaskjöl, söluskjöl ofl.

• Skanna skjöl og vista
• Útvíkkun á samþykktarkerfi

Advania póststoð

Póststoð er þjónusta á vegum Póstins sem auðveldar þér skráningu og utanumhald ásamt umsýslu sendinga. Lausnin gerir fyrirtækjum kleyft að tengja Business Central beint við Póststoð.

• Sparar fyrirtækjum bæði tíma og vinnu við skráningu og utanumhald sendinga
• Gerir notendum mögulegt að forskrá sendingar
• Býr til miða með strikamerki sem hægt er að festa beint á sendingar
• Minnkar allan innslátt á upplýsingum og vinnu á bak við sendingar