Fréttir - 18.4.2024 11:04:00

Zérfræðingar framtíðarinnar - er þinn vinnustaður tilbúinn?

Áhugaverður morgunverðarfundur fór fram í höfuðstöðvum Advania og á starfstöðinni Akureyri þar sem rætt var um Z-kynslóðina á vinnumarkaði. Á fundinum Zérfræðingar framtíðarinnar - er þinn vinnustaður tilbúinn? var fjallað um þær áskoranir sem fylgja fyrir vinnustaði.

Ný kynslóð er komin inn á vinnumarkaðinn og það er mikilvægt fyrir vinnustaði og mannauðsfólk að vita hvernig hægt er að mæta kröfum þeirra. Í erindum dagsins var því fjallað um það hvaða tækni og búnað fyrirtæki þurfa að bjóða upp á til að vera eftirsóknarverðir vinnustaðir í dag. Í því samhengi var meðal annars farið yfir vörur og lausnir frá Microsoft og Jabra.

Á fundinum töluðu Auður Inga Einarsdóttir, framkvæmdastýra innviðalausna hjá Advania, Rakel Ýr Jóhannsdóttir, sérfræðingur Microsoft Operations hjá Advania, ásamt Richard Trestain og Johnny Sønderby Poulsen frá Jabra. Gestir gæddu sér á bakkelsi og góðu kaffi á meðan fyrirlestrunum stóð. Einn heppinn fundargestur var dreginn út og fékk Jabra Flex 65 heyrnartól að gjöf.

Rakel Ýr fjallaði um það hvernig Teams getur verið hjartað á vinnustaðnum og Copilot heilinn. Hún hvatti fundargesti til að hræðast ekki tæknina sem er í boði, heldur fá frekar leiðsögn á þessari vegferð. Gervigreind og notkun lausna eins og Copilot innan fyrirtækja gæti einnig farið hafa áhrif á val fólks á vinnustað.

Jabra vann rannsókn á þörfum og væntingum Z-kynslóðarinnar með London School of Economics. Á fundinum voru niðurstöður könnunarinnar kynntar. Þær gáfu nokkuð góða innsýn í það sem að vinnustaðir þurfa að hafa í huga til þess að uppfylla þær þarfir sem komandi kynslóðir fara fram á.

Fleiri fréttir

Fréttir
08.07.2025
Advania á Íslandi hefur hlotið tilnefningu til Nordic Women in Tech Awards í ár í flokknum Samfélagsleg áhrif (e. Social Impact) fyrir aukinn stuðning við verðandi og nýbakaða foreldra á vinnustaðnum. Hundruð tilnefninga til verðlaunanna bárust í ár og Advania var sigurvegari á Íslandi í þessum flokki og verður því stoltur fulltrúi landsins í þessum verðlaunaflokki.
Fréttir
03.07.2025
Advania hefur tilkynnt um kaup á fyrirtækinu The AI Framework, þekktu sænsku ráðgjafafyrirtæki á sviði gervigreindar. The AI Framework hefur gríðarlega þekkingu og reynslu í að leiða og styðja við fyrirtæki og stofnanir á þeirra gervigreindarvegferð.
Fréttir
02.07.2025
Eftir mörg góð ár á Tryggvabrautinni höfum við hjá Advania flutt starfsstöð okkar á Akureyri í nýtt og glæsilegt húsnæði að Austursíðu 6, 3. hæð.
Viltu vita meira?

Tölum saman

Viltu vita meira? Sendu okkur fyrirspurn.