Öryggislausnir

Hjá okkur færðu allar tegundir öryggislausna, hvort sem umræðir vírusvarnir, netöryggislausnir eða vottanir, allt eftir þínum þörfum. 

DDoS árásarvarnir

Tilgangur DDoS árása (e. Distributed Denial of Service) er að valda truflun á þjónustu, taka niður starfsemi þess sem verið er að ráðast á eða jafnvel fela aðgerðir eins og tilraunir til innbrota. Það sem gerist við slíka árás er að netkerfi og -þjónar fórnarlamba eru yfirkeyrð af álagi. Stutt DDoS árás getur skapað meiri netumferð en eðlileg notkun skapar á heilu ári. Slíkum árásum getur fylgt mikill kostnaður, ekki síst vegna mögulegrar skerðingar á þjónustu þess sem verður fyrir árásinni.

Advania veitir einstaklingum, fyrirtækjum og stofnunum aðgang að vörn gegn svona netárásum. Vörnin virkar þannig að hún fer sjálfkrafa í gang um leið og árás hefst og sendir tilkynningar með tölvupósti til allra þeirra aðila sem þurfa að vita að árás sé að eiga sér stað.

Netöryggi

Network Security

Advania býður upp á fjölbreyttar netöryggislausnir í samstarfi við stóran hóp fyrirtækja sem eru leiðandi á sviði netöryggismála. Hjá okkur færðu hugbúnað og vélbúnað sem gerir þér kleift að halda utan um umferð og stjórna aðgengi á þínum vefjum. Hvort sem málið varðar eldveggi, innbrotsvarnir eða DDoS-varnir, þá erum við með lausnina fyrir þig.

Ræddu við okkur um hvaða gæti gagnast þér best.

Útstöðvaöryggi

Endpoint Security

Í síbreytilegu landslagi nútímans þar sem óprúttnir aðilar sjá mikin fjárhagslegan ábata í því að vinna fyrirtækjum skaða er orðið enn mikilvægara en áður að huga vel að öryggismálum útstöðva. Til þess að tryggja að notendur falli ekki í gildrur þessara aðila í gegnum tölvupósta eða sýktar vefsíður er mikilvægt að halda útstöðvum vel uppfærðum með nýjustu viðbótum á skilvirkan máta. Nauðsynlegt er að viðhalda öryggis- og vírusvörnum og stillingum þeirra í takt við nýjar uppfærslur.

Advania getur hjálpað til við að treysta þessar útstöðvar með öryggislausnum og traustum vírusvörnum. Þannig er dregið verulega úr áhættunni á að þær verði nýttar sem inngangur í kerfin þín.

Póstvarnir

Email Security

Í dag er líklega mikilvægara en nokkru sinni að tryggja sig með viðunnandi vírusvörnum og öryggislausnum fyrir árásum utanaðkomandi aðila. Ransomware-árásir verða sífellt algengari en í þeim tilvikum nota óprúttnir aðilar sem fá aðgang að gögnunum þínum tækifærið til að dulkóða gögnin og krefjast svo lausnargjalds til að aflétta dulkóðuninni. Tölvupóstur er yfirleitt þægilegt skotmark í þessu samhengi og því mikilvægara en nokkru sinni að vera með sérstakar tölvupóstvarnir. 

Veikleikaskönnun

Security Operations

Mikill meirihluti innbrota í fyrirtæki í dag eru vegna öryggisgalla í hugbúnaði, bæði frá alþjóðlegum þekktum framleiðendum og sérsmíðuðum lausnum.

Að vita hvað þarf að plástra getur verið tímafrekt verkefni án réttra tóla og í tilfellum þar sem mikið er um veikleika getur skipt sköpum að byrja á þeim plástrunum sem eru hvað hættulegust.

Advania hefur lausnir sem geta framkvæmt reglubundnar veikleikaskannanir á kerfunum þínum á kerfisbundin máta. Niðurstöður eru dregnar saman í öryggisskýrslum og flokkaðar eftir mikilvægi til að tryggja að byrjað sé á réttum enda.

trend-micro-logo160.png
cisco-logo160.png
rsa-logo160.png
veracode160.png
forcepoint160.png
Dell_SecureWorks-logo160.png

Vottanir

Corporate Risks & Compliances

Við eigum í samstarfi við leiðandi aðila á sviði öryggismála í upplýsingatækni og hjá okkur getur þú fengið úttekt á þínum rekstri og vottanir í samræmi við þínar þarfir.

Auðkenni - aðgangsstýring

Identity & Access Management

Auðkennislausnir okkar gera þér kleift að stýra aðgangi að kerfunum þínum og staðfesta réttindi notenda.

Örugg hugbúnaðarþróun

Application Security

Það verður sífellt flóknara að gæta allra réttu öryggisatriða við hugbúnaðarþróun, sérstaklega þar sem stór hluti forrita reiðir sig á nettengingar og/eða tengja marga aðila saman. 

Í samstarfi við leiðandi aðila á sviði öryggismála í hugbúnaðarþróun getum við aðstoðað þig við að meta öryggi hugbúnaðarverkefna, allt frá vefsvæðum til stórra hugbúnaðarlausna. Ef upp kemst um öryggisógnir eða veika bletti í verkefninu, getum við hjálpað þér og bent á leiðir til úrbóta.

Hafðu samband og fáðu ókeypis öryggisráðgjöf

Vinsamlega fyllið inn í reitina fyrir neðan

Rusl-vörn