Advania verðlaunað fyrir framúrskarandi árangur

Microsoft Ísland hefur veitt Advania viðurkenninguna samstarfsaðili ársins á sviði Microsoft Business Solutions (MBS)

Heimir Fannar Gunnlaugsson, framkvæmdastjóri Microsoft Ísland og Kristinn Eiríksson, framkvæmdastjóri Viðskiptalausna hjá Advania.

Microsoft Ísland hefur veitt Advania viðurkenninguna samstarfsaðili ársins á sviði Microsoft Business Solutions (MBS). Við afhendingu verðlaunanna var tekið fram að Advania hefði náð framúrskarandi árangri með viðskiptavinum fyrirtækisins þegar kemur að notkun Microsoft lausna á borð við Dynamics AX, NAV og TOK. 

„Advania hefur staðið sig framúrskarandi vel í MBS umhverfinu hér á Íslandi“ segir Heimir Fannar Gunnlaugsson, framkvæmdastóri Microsoft Ísland. „Advania er afkastamikið fyrirtæki sem hefur náð að straumlínulaga vöruframboð sitt og náð þannig eftirtektarverðum árangri með Microsoft viðskiptalausnir.“

„Við þjónustum fjölbreyttan hóp viðskiptavina og leggjum áherslu á að vöruframboð okkar mæti ólíkum þörfum fyrirtækja af öllum stærðum og gerðum“ segir Kristinn Eiríksson, framkvæmdastjóri Viðskiptalausna hjá Advania. „Ég er gríðarlega stoltur af þessari viðurkenningu enda er hún skýr vitnisburður um metnaðinn sem knýr starfsfólk okkar áfram.“