Nýjasta nýtt - 20.01.2012
Advania verður til
Skýrr, HugurAx og norræn dótturfyrirtæki sækja nú fram undir nýju nafni: Advania.
Skýrr, HugurAx og norræn dótturfyrirtæki sækja nú fram undir nýju nafni: Advania.
Advania er eitt stærsta upplýsingafyrirtæki Norðurlanda með 1.100 starfsmenn og 20 starfstöðvar í fjórum löndum: Íslandi, Lettlandi, Noregi og Svíþjóð – en þar af starfa um 600 manns hér á landi.
Nafnbreytingin er lokahnykkur tveggja ára sameiningarlotu níu fyrirtækja og liður í umbreytingu fyrirtækisins í alþjóðlegt þjónustufyrirtæki með víðtæka starfsemi. Við nafnbreytinguna hverfa vörumerkin Skýrr, HugurAx og EJS á Íslandi, ásamt Hands í Noregi, Kerfi í Svíþjóð og Aston-Baltic í Lettlandi.
„Við höfum unnið hörðum höndum í tvö ár að samþættingu Skýrr og dótturfélaga hér heima og á Norðurlöndum. Nú sameinum við okkar frábæra starfsfólk undir einu merki, fullnýtum slagkraft stærðar fyrirtækisins og sækjum til framtíðar. Orðið „Advania“ er dregið af enska orðinu „advantage“, sem þýðir forskot. Og þetta er það sem við viljum veita okkar góðu viðskiptavinum: forskot á sínum vettvangi með traustri þjónustu og skapandi lausnum,“ segir Gestur G. Gestsson, forstjóri Advania.
Advania er eitt stærsta upplýsingafyrirtæki Norðurlanda með 1.100 starfsmenn og 20 starfstöðvar í fjórum löndum: Íslandi, Lettlandi, Noregi og Svíþjóð – en þar af starfa um 600 manns hér á landi.
Nafnbreytingin er lokahnykkur tveggja ára sameiningarlotu níu fyrirtækja og liður í umbreytingu fyrirtækisins í alþjóðlegt þjónustufyrirtæki með víðtæka starfsemi. Við nafnbreytinguna hverfa vörumerkin Skýrr, HugurAx og EJS á Íslandi, ásamt Hands í Noregi, Kerfi í Svíþjóð og Aston-Baltic í Lettlandi.
„Við höfum unnið hörðum höndum í tvö ár að samþættingu Skýrr og dótturfélaga hér heima og á Norðurlöndum. Nú sameinum við okkar frábæra starfsfólk undir einu merki, fullnýtum slagkraft stærðar fyrirtækisins og sækjum til framtíðar. Orðið „Advania“ er dregið af enska orðinu „advantage“, sem þýðir forskot. Og þetta er það sem við viljum veita okkar góðu viðskiptavinum: forskot á sínum vettvangi með traustri þjónustu og skapandi lausnum,“ segir Gestur G. Gestsson, forstjóri Advania.
Advania býður fjölbreyttar lausnir og þjónustu, sem svara kröfum og þörfum 110 þúsund viðskiptavina um allan heim. Verkefni Advania spanna öll svið upplýsingatækni: hugbúnað, vélbúnað, hýsingu og rekstrarþjónustu. Stærsti eigandi Advania er Framtakssjóður Íslands. Aðrir eigendur eru meðal annars Skúli Mogensen og fjárfestingafélagið Títan, Landsbankinn, VÍS og um 40 smærri hluthafar. Forstjóri Advania er Gestur G. Gestsson. Framkvæmdastjórar Advania á Norðurlöndum eru þeir Aivars Burtnieks í Lettlandi, Ole Morten Settevik í Noregi og Mikael Noaksson í Svíþjóð.
Skoða myndband þar sem nýtt merki Advania er kynnt til sögunnar: http://youtu.be/6OhLRIT1iNg