Efld þjónusta við byggingariðnaðinn

Byko hefur opnað nýja vefverslun þar sem þjónusta við viðskiptavini hefur verið bætt og vöruúrvalið aukið.

Verslunin er einföld í notkun og veitir góða yfirsýn yfir vörur og þjónustu BYKO. Advania sá um hönnun og uppsetningu í vefverslunar- og markaðskerfinu Dynamicweb með samþættingu við nýuppfærð viðskiptakerfi BYKO. Vefverslunin er með þeim umfangsmeiri sem Advania hefur komið að.

„Markmiðið er að efla þjónustu við viðskiptavini og ekki síst að spara fagfólki í byggingargeiranum sporin. Vefverslunin er eitt af mörgum stórum skrefum sem BYKO hyggst stíga á næstunni í bæta upplifun viðskiptavina með stafrænni þjónustu,“ segir Sigurður Brynjar Pálsson frá BYKO.

Vöruúrvalið í vefversluninni hleypur á þúsundum og verður aukið enn frekar á næstunni. Hægt verður að skoða ítarlegar tæknilýsingar hverrar vöru og sjá greinargóðar myndir sem auðveldar viðskiptavinum að velja vörur á faglegan hátt. Stafræn verslun og þjónusta er nú ein af áherslum BYKO.

„BYKO hefur stigið framsækið skref í takt við nútíma verslunarhætti. Neytendur gera nú kröfu um að geta kynnt sér vöruúrval á netinu, borið saman verð og áttað sig á eiginleikum vörunnar. Hjá BYKO er ríkur skilningur á öllu ferlinu um hvernig vefverslun virkar. Þau hafa lagt á sig gríðarlega vinnu við að uppfæra og efla sín innri kerfi og mæta kröfum viðskiptavina með nýjum vef,“ segir Bríet Pálsdóttir deildarstjóri hjá Advania.

Skoðaðu nýju vefverslun BYKO hér.