Frjálsíþróttasamband Íslands og Advania hefja langhlaup

Advania verður aðalstyrktaraðili Frjálsíþróttasambands Íslands (FRÍ), samkvæmt samningi sem undirritaður var í dag. Fyrirtækið mun bæði styðja sambandið með beinu fjárframlagi og tölvubúnaði sem nýtist í starfi sambandsins næstu árin.

Advania verður aðalstyrktaraðili Frjálsíþróttasambands Íslands (FRÍ), samkvæmt samningi sem undirritaður var í dag. Fyrirtækið mun bæði styðja sambandið með beinu fjárframlagi og tölvubúnaði sem nýtist í starfi sambandsins næstu árin.

Guðmundur Karlsson, framkvæmdastjóri FRÍ, segir samninginn mjög mikilvægan fyrir Frjálsíþróttasambandið. „Okkur finnst táknrænt að fá eitt öflugasta fyrirtæki landsins í okkar stuðningssveit. Líkt og fyrirtækið er íslenskt frjálsíþróttafólk metnaðarfullt, setur sér háleit markmið og hefur náð góðum árangri. Við fögnum því að Advania hafi valið okkur til samstarfs og stuðningurinn mun nýtast okkar fólki vel."

Ægir Már Þórisson, forstjóri Advania, segir fyrirtækið hafa viljað styðja við frábært starf Frjálsíþróttasambandsins. „Það eru mörg stór verkefni framundan hjá frjálsíþróttafólkinu okkar og við viljum styðja það með ráðum og dáð. Við hlökkum til samstarfsins, sem okkar starfsfólk mun einnig njóta góðs af þar sem afreksfólk og þjálfarar frá FRÍ verða okkur til ráðgjafar við hlaupafræðslu og heilsueflingu innan Advania.”

 Á myndinni eru Ægir Már Þórisson, forstjóri Advania á Íslandi og Guðmundur Karlsson, framkvæmdastjóri Frjálsíþróttasambands Íslands