Nýjasta nýtt - 14. maí 2018
Öflugra og öruggara net í Reykjavík
Erfiðara er fyrir börn að komast inn á vafasamar vefsíður á neti Reykjavíkurborgar eftir að settar voru upp öflugar öryggisvarnir í samstarfi við Advania fyrir ári síðan. Net Reykjavíkurborgar er nú mun betur varið en áður og hefur tilkynningum um vírusa og óværur á búnaði notenda fækkað verulega.
Erfiðara er fyrir börn að komast inn á vafasamar vefsíður á neti Reykjavíkurborgar eftir að settar voru upp öflugar öryggisvarnir í samstarfi við Advania fyrir ári síðan. Net Reykjavíkurborgar er nú mun betur varið en áður og hefur tilkynningum um vírusa og óværur á búnaði notenda fækkað verulega.
Í gegnum tíðina hefur reynst áskorun að verja notendur á neti Reykjavíkurborgar. Eins og fram kom í fréttum í fyrra komu upp dæmi þar sem börn á yngsta stigi grunnskóla komust inn á klámsíður á neti borgarinnar í skólanum. Ekki er vitað til að þess að slík atvik hafi komið upp eftir að upplýsingatæknideild borgarinnar setti upp sterkar varnir í samstarfi við Advania. Öryggislausnin hindrar umferð um deilisíður og vefi sem innihalda til að mynda veðbanka, klám eða hatursáróður.
„Börn eru auðvitað allstaðar þar sem er frítt niðurhal og þess vegna tengjast þau opnu neti í skólum, frístundaheimilum eða öðrum mannvirkjum borgarinnar. Til að verja netið styðjumst við við öryggislausn sem hefur gefið góða raun. Það er skýjalausn sem hefur þann kost að ekki þarf að setja neitt upp á búnaðinum sem notaður er til að tengjast netinu. Snjalltæki nemenda sem tengjast neti borgarinnar eru því jafn vel varin fyrir óæskilegu efni og vélar borgarstarfsmanna. Við teljum alla notendur á neti borgarinnar betur varða nú en áður,“ segir Tómas Guðmundsson tæknistjóri upplýsingatæknideildar Reykjavíkurborgar.
Hann segir að vegna þess að nám fari nú að miklu leyti fram á netinu, hafi verið mikil þörf fyrir úrbætur á neti borgarinnar. Hann bendir hinsvegar á að borgin hafi engin tök á að verja börn fyrir óæskilegu efni þegar þau nota 4G net í símunum sínum.
Advania hefur tekið þátt í umfangsmiklu umbótaverkefni með upplýsingatæknideild Reykjavíkurborgar á undanförnu ári. „Nettenging Reykjavíkurborgar hefur verið tuttugufölduð og þráðlaust net í borginni hefur verið þétt verulega. Þá er unnið að því að færa starfsstöðvar sem enn voru með ADSL-tengingu yfir í ljósleiðara en þeirri vinnu ætti að vera lokið á næstu mánuðum,“ segir Snorri Ásmundsson sérfræðingur netkerfa hjá Advania.
Árangurinn af umbótunum er að mati sérfræðinga Reykjavíkurborgar þegar farinn að segja til sín. „Netreksturinn er orðinn mun stöðugri og það er minna um rekstrartuflanir. Áður var nokkuð um að tæki í eigu starfsmanna sýktu búnað í eigu borgarinnar. Það var nóg að einhver kæmi með sýkta vél inn á vinnustað til að sýkingin breiddist út. Nú höfum við girt fyrir að slíkt geti gerst með öflugum vörnum,“ segir Tómas Guðmundsson.
Í gegnum tíðina hefur reynst áskorun að verja notendur á neti Reykjavíkurborgar. Eins og fram kom í fréttum í fyrra komu upp dæmi þar sem börn á yngsta stigi grunnskóla komust inn á klámsíður á neti borgarinnar í skólanum. Ekki er vitað til að þess að slík atvik hafi komið upp eftir að upplýsingatæknideild borgarinnar setti upp sterkar varnir í samstarfi við Advania. Öryggislausnin hindrar umferð um deilisíður og vefi sem innihalda til að mynda veðbanka, klám eða hatursáróður.
„Börn eru auðvitað allstaðar þar sem er frítt niðurhal og þess vegna tengjast þau opnu neti í skólum, frístundaheimilum eða öðrum mannvirkjum borgarinnar. Til að verja netið styðjumst við við öryggislausn sem hefur gefið góða raun. Það er skýjalausn sem hefur þann kost að ekki þarf að setja neitt upp á búnaðinum sem notaður er til að tengjast netinu. Snjalltæki nemenda sem tengjast neti borgarinnar eru því jafn vel varin fyrir óæskilegu efni og vélar borgarstarfsmanna. Við teljum alla notendur á neti borgarinnar betur varða nú en áður,“ segir Tómas Guðmundsson tæknistjóri upplýsingatæknideildar Reykjavíkurborgar.
Hann segir að vegna þess að nám fari nú að miklu leyti fram á netinu, hafi verið mikil þörf fyrir úrbætur á neti borgarinnar. Hann bendir hinsvegar á að borgin hafi engin tök á að verja börn fyrir óæskilegu efni þegar þau nota 4G net í símunum sínum.
Advania hefur tekið þátt í umfangsmiklu umbótaverkefni með upplýsingatæknideild Reykjavíkurborgar á undanförnu ári. „Nettenging Reykjavíkurborgar hefur verið tuttugufölduð og þráðlaust net í borginni hefur verið þétt verulega. Þá er unnið að því að færa starfsstöðvar sem enn voru með ADSL-tengingu yfir í ljósleiðara en þeirri vinnu ætti að vera lokið á næstu mánuðum,“ segir Snorri Ásmundsson sérfræðingur netkerfa hjá Advania.
Árangurinn af umbótunum er að mati sérfræðinga Reykjavíkurborgar þegar farinn að segja til sín. „Netreksturinn er orðinn mun stöðugri og það er minna um rekstrartuflanir. Áður var nokkuð um að tæki í eigu starfsmanna sýktu búnað í eigu borgarinnar. Það var nóg að einhver kæmi með sýkta vél inn á vinnustað til að sýkingin breiddist út. Nú höfum við girt fyrir að slíkt geti gerst með öflugum vörnum,“ segir Tómas Guðmundsson.