Precision í sínu náttúrulega umhverfi
Blogg - 27. febrúar 2024Gervigreindin er mætt í Precision
Bragi Gunnlaugsson
Sérfræðingur, innviðalausnum Advania
Með aukinni áherslu á gervigreind eykst einnig þörfin á öflugum tölvubúnaði.
Það hefur trúlega ekki farið framhjá neinum að gervigreind er að umbylta flestu í upplýsingatækni. Vinnutölvur eru þarna engin undantekning og hefur nú nýtt hugtak litið dagsins ljós: AI PC. Þessar tegundir tölva nýta krafta nýrra tegunda flaga frá Intel: Intel Core Ultra með vPro. Þessar flögur búa yfir
- Örgjörva (CPU),
- Skjástýringu (GPU),
- Vél sem vinnur með tauganet (NPU)
- Og síðast ekki en síst: gervigreindarvél (xPU)
Með því að byggja gervigreindarvirkni beint á flöguna, er ekki bara hægt að létta álaginu af öðrum hlutum kerfisins, heldur opna á ótal nýja möguleika í vinnu.
Vinnuþjarkur fær nýtt hlutverk
Dell Precision hefur verið bakbeinið í vinnu margra verkfræðinga, arkitekta og hönnuð í rúm 25 ár. Enda er línan hönnuð fyrir mjög þunga vinnslu sem aðrar vélar ráða hreinlega ekki við. Hefðbundin verkefni Dell Precision hafa lengi verið allt frá uppbyggingu þrívíddarmódela í hönnun bygginga, til bíómyndagerðar, úrvinnslu gagna og margt margt fleira. Með tilkomu nýrrar tækni hefur annað verkefni bæst við listann: uppbygging og vinnsla gervigreindar.
Samkvæmt rannsóknum Dell¹, eru þrjú af hverjum fjórum fyrirtækjum farin að huga að gervigreind í rekstri og veita fjármagni í málaflokkinn. Þetta hefur sýnt sig í auknum áhuga á Dell Precision - þar sem verkefni tengd gervigreind krefjast oft mikils afls. Það má því segja að þessi trausti vinnuþjarkur sé kominn með nýtt hlutverk.
„Sem miðstöð á sviði læknisfræðilegra rannsókna með gervigreind, skiljum við mikilvægt hlutverk tækninnar. Hún er ósýnilegi samstarfsaðilinn í heilbrigðisþjónustu sem greinir hið mikla magn af gögnum og leiðir til bættra, hraðara og nákvæmari niðurstaðna. Dell Precision vinnustöðvar veita þá frammistöðu og áreiðanleika sem við þurfum fyrir líkindagerð með gervigreind. Þetta er stór hluti af tæknigrunninum sem þarf til við að efla gervigreind innan læknisfræðilegra rannsókna okkar.“
-Dr. Hooman Rashidi, forstöðumaður PLMI: miðstöðvar gervigreindar og gagnavísinda við Cleveland Clinic í Bandaríkjunum
Ný lína er tilbúin í slaginn
Ný Dell Precision er fáanleg með allt að 96 kjarna krafti og er sú öflugasta til þessa. Hún á því í engum vandræðum með hefðbundnu verkefnin og þau nýju sem eru að verða til.
Ummál vélanna hefur verið rýmkað til að auka loftflæði og búa til pláss fyrir enn meiri stækkunarmöguleika. Í boði eru allt að 56TB af geymslupláss og upp að 2TB af DDR5 vinnsluminni. Með möguleika á allt að 48GB skjákorti er því víst að fá verkefni þvælast fyrir nýju Precision línunni.
Eigum við að umbylta þinni vinnu?
Nýju vélarnar eru komnar í Advania. Skoðaðu úrvalið og vertu í bandi - sérfræðingar okkar eru alltaf reiðubúnir að aðstoða með val á réttu vinnustöðinni.