Nýr vefur Seðlabanka Íslands

Advania hefur með stolti unnið að þróun og hönnun nýs vefs Seðlabanka Íslands, sem var formlega opnaður 2. apríl síðastliðinn. Nýi vefurinn býður upp á fjölmargar nýjungar og betrumbætur sem miða að því að bæta upplifun notenda og auka aðgengi að upplýsingum. Útlitshönnun var í höndum Jökulá hönnunarstofu. Mikil áhersla var lögð á myndræna framsetningu og aðgengi að gögnum.

• Veftré í 13 yfirflokkum: Notendur geta raðað efni í stafrófsröð til að auðvelda leit.
• Gagnatorg: Öll gagnabirting bankans er aðgengileg á einum stað.
• Bætt framsetning gengisupplýsinga: Ný og bættu framsetning á gengisupplýsingum.
• Fjórskipta leit: Auðveldar notendum að finna það sem þeir leita að.
• Fréttir og efnisleg tög: Notendur geta skoðað safnsíður af efni tengdu ákveðnum viðfangsefnum.
• Þekkingarbanka og neytendasíðu: Upplýsingar og fræðsla fyrir almenning.

Nýi vefur Seðlabanka Íslands er þróaður í Veva vefumsjónarkerfi sem byggir á .Net 8 tækni. Vefurinn nýtir SQL gagnagrunn til að geyma og vinna úr gögnum, en framendinn er gerður í Blazor, sem tryggir hraða og áreiðanlega notendaupplifun.

Vefurinn er einnig með samþættingar við ýmis ytri kerfi, þar á meðal gengis-gagnagrunn og póstsendingakerfi, sem auðveldar Seðlabankanum miðlun upplýsinga.

Ítarlegar öryggisprófanir voru gerðar á lausninni í heild sinni og var hún tekin út af óháðum sérfræðingum í öryggismálum til að tryggja hámarksöryggi og verndun gagna.

Vefurinn er í stöðugri þróun og Seðlabankinn hvetur notendur til að senda inn ábendingar um hvað betur má fara. Advania er stolt af því að hafa tekið þátt í þessu mikilvæga verkefni og hlakkar til að sjá hvernig nýi vefurinn mun nýtast notendum.