Tjörvi Óskarsson verkefnastjóri stafrænna lausna og tækni hjá sveitarfélaginu Hornafirði og Bjarki Traustason öryggissérfræðingur hjá Advania.

24.03.2025

Sveitarfélagið Hornafjörður eykur netöryggi enn frekar

Sveitarfélagið Hornafjörður hefur tekið næsta skref í sínum netöryggismálum með innleiðingu Skjaldar, öryggisvöktunarþjónustu Advania. Með þessari lausn tryggir sveitarfélagið stöðuga vöktun og skjót viðbrögð við netógnum allan sólarhringinn, alla daga ársins.

„Það mjög mikilvægt fyrir meðalstórt sveitarfélag eins og Hornafjörð að hafa virka öryggisvöktun í sínu umhverfi. Snöggur viðbragðstími við öryggistilvikum er ein megin ástæða þess að við völdum Skjöld,“ segir Tjörvi Óskarsson verkefnastjóri stafrænna lausna og tækni hjá sveitarfélaginu Hornafirði.

Skjöldur greinir og bregst við ógnum, hvort sem þær tengjast notendabúnaði eða ytri árásarflötum sem gætu skapað öryggisveikleika. Með öflugri forvarnarvinnu og reglulegum öryggisúttektum stuðlar Advania að því að lágmarka áhættu og fyrirbyggja atvik áður en þau koma upp.

Forgangsmál fyrir sveitarfélög

„Aukið netöryggi er forgangsmál fyrir sveitarfélög og aðrar opinberar stofnanir í dag. Með öflugri vöktunarþjónustu eins og Skildi tryggjum við að Hornafjörður hafi nauðsynlega yfirsýn og viðbragðsgetu til að bregðast við ógnum áður en þær verða að vandamáli,“ segir Bjarki Traustason, öryggissérfræðingur hjá Advania um verkefnið.

„Við erum stolt af því trausti sem sveitarfélagið sýnir með þessu samstarfi og með því að nýta Skjöld, geta þau sinnt sínum verkefnum af öryggi og einbeitt sér að þjónustu við samfélagið sitt.“

Advania hefur áratugalanga reynslu af rekstri og öryggisherðingum á Microsoft-umhverfum og býr yfir fjölbreyttri sérfræðiþekkingu og alþjóðlegum vottunum sem tryggja viðskiptavinum hámarksöryggi. Þessi sérfræðiþekking er grunnurinn að öflugri forvarnarvinnu Skjaldar, sem veitir notendum aðgang að öruggustu lausnum á markaðnum.

Fleiri fréttir

Blogg
16.04.2025
Fáðu aukna yfirsýn og taktu upplýstari ákvarðanir með viðskiptagreindarskýrslum. Berglind Lovísa Sveinsdóttir skrifar um H3 gagnavöruhúsið, OLAP tenginga og gagnleg námskeið.
Blogg
11.04.2025
Hvað ef fleiri upplýsingatækniverkefni næðu betri árangri – einfaldlega með því að byrja á fólkinu? Ekki bara á kerfunum, ekki á tólunum – heldur á fólkinu sem á að nota þau, lifa með þeim og leiða breytingarnar sem þau eiga að styðja.
Blogg
11.04.2025
Sveigjanleiki gerir okkur ekki aðeins kleift að styðja starfsfólk okkar heldur skilar sér í aukinni framleiðni, lægri starfsmannaveltu og sterkari tengslum á vinnustaðnum. Þetta er stefna sem sýnir að við leggjum áherslu á fólk, en um leið er hún mikilvæg fjárfesting í framtíð fyrirtækisins. Þegar starfsfólk upplifir raunverulegan stuðning og skilning, verður það ekki aðeins ánægðara heldur leggur sitt af mörkum með meiri ástríðu og skuldbindingu.
Viltu vita meira?

Tölum saman

Viltu vita meira? Sendu okkur fyrirspurn.