NIS2 og DORA reglugerðirnar auka mikilvægi öryggisstefnu í rekstri fyrirtækja. Þær krefjast öflugri varna gegn netógnum og leggja aukna ábyrgð á stjórnendur. Með hlítingu við þessar kröfur vernda fyrirtæki gögn sín og viðhalda trausti viðskiptavina. Advania býður upp á þjónustu sérfræðinga á öllum sviðum netöryggis sem geta styrkt stafræna innviði fyrirtækja og aukið viðnámsþrótt þeirra.
| Heiti | Gögn |
|---|---|
Öryggisstefna Advania | |
ISO/IEC 27001:2022 vottun á stjórnkerfi upplýsingaöryggis | |
Persónuverndarstefna Advania | |
DORA skjölun Advania (e. statement of applicability) | |
Yfirlit yfir uppfærslur á verklagsreglum Advania (e. incident management) | |
CIFs þjónusta Advania | |
Drög að DORA viðaukasamningi | |
Yfirlit yfir rekstraráhrifagreiningar (e. business impact analysis) Advania | |
Yfirlit yfir aðfangakeðju Advania í tengslum við gildissvið DORA | |
Yfirlit yfir endurreisnaráætlanir og prófanir Advania |
NIS2 og DORA reglugerðirnar breyta landslagi netöryggis verulega með auknum kröfum á fyrirtæki. Æðstu stjórnendur þurfa að taka á sig aukna ábyrgð og netöryggi verður óhjákvæmilega stærri hluti af daglegum rekstri og ákvörðunartöku fyrirtækja.
Báðar reglugerðirnar byggja á bestu venjum úr stöðlum eins og ISO27001, en ganga umtalsvert lengra í kröfum um öryggi og skráningu. Þetta kallar á markvissari og formlegri nálgun á netöryggi með skýrari verkferlum og ábyrgðarsviðum.
NIS2 styrkir netöryggi innviða í Evrópu með áherslu á samvinnu milli ríkja, stofnana og fyrirtækja, á meðan DORA einblínir sérstaklega á fjármálageirann með ítarlegum kröfum um varnir og viðbrögð við árásum sem fyrirtæki innan þess geira þurfa að hlíta.
NIS2 kynnir umtalsverðar breytingar frá fyrri reglugerð. Fjöldi atvinnugreina undir reglugerðinni hefur tvöfaldast og skilgreiningar á mikilvægum fyrirtækjum hafa verið víkkaðar. Ráðstafanir fyrir áhættustýringu eru ítarlegri, ábyrgð æðstu stjórnenda aukin og tilkynningar um öryggisatvik eru með skýrari tímamörkum.
Reglugerðin innleiðir einnig sameiginlega ESB-skrá fyrir fyrirtæki sem starfa yfir landamæri, krefst Whois-gagnagrunns fyrir lénaöryggi og kemur á samræmdri birtingu öryggisveikleika. Þetta skapar sterkari ramma fyrir eftirlit og netöryggisvernd í Evrópu.
Mikilvægt er að stjórnendur og þau sem taka ákvarðanir á vinnustöðum, séu vel upplýst um forvarnir og viðbrögð við ógnum sem steðja að vinnustöðum þeirra. Sérfræðingar okkar í öryggismálum eru til þjónustu reiðubúin að fara yfir þín öryggismál.
Fyrirtæki sem hlíta reglugerðunum snemma geta öðlast umtalsvert samkeppnisforskot með auknu trausti viðskiptavina og betri rekstrarsamfellu. Á sama tíma geta netárásir valdið alvarlegu tjóni á orðspori fyrirtækja, skaðað viðskiptavild og leitt til fjárhagslegs taps.
Aðgangur að réttum samstarfsaðila er grundvallaratriði til að styrkja stafræna innviði og auka viðnámsþrótt fyrirtækja í síbreytilegu netöryggisumhverfi. Advania býður upp á víðtæka sérfræðiþjónustu á öllum sviðum netöryggis, frá vörnum og vitundarvakningu til neyðaráætlana og viðbragðs við árásum.
Advania býður upp á fjölbreyttar lausnir sem auðvelda fyrirtækjum að hlíta NIS2 og DORA reglugerðunum. Með öflugum teymi sérfræðinga í netöryggi hjálpum við þér að innleiða nauðsynlegar öryggisráðstafanir, styrkja stafræna innviði og auka viðnámsþrótt fyrirtækisins gagnvart netógnum. Okkar þekking og reynsla auðveldar þér að uppfylla kröfur nýrra reglugerða á skilvirkan hátt.
Viltu vita meira um öryggismál? Sendu okkur fyrirspurn.