VASA er lausn í Microsoft Power Platform sem einfaldar utanumhald um kvittanir og skráningar á útlögðum kostnaði starfsmanna, notkun á lausafjármunum og skráningar á kaupum með fyrirtækjakorti. Appið býður upp á það að taka myndir af kvittunum og hlaða þeim inn og hengja þær við kostnaðarskráningar.

Þegar skráningu lýkur í appinu eru gögnin send í samþykktarferli sem gefur skilgreindum starfsmönnum möguleika á að hafna eða samþykkja skráningar inni í Teams eða Outlook. Ef fyrirtæki kjósa frekar að nýta sér samþykktarferli í Business Central eða öðru fjárhagskerfi þá er hægt að stilla appið til að senda kostnaðarskráningar beint inn í viðkomandi fjárhagskerfi og fara fram hjá samþykktarferlinu í appinu sjálfu.

Notandinn sendir kostnaðarskráninguna inn í fjárhagskerfi hjá sínu fyrirtæki þar sem stofnast innkaupareikningur sjálfkrafa með réttum upplýsingum. Fjárhagsdeild klárar svo ferlið á einfaldan hátt án þess að þurfa að skrá inn upplýsingar aftur handvirkt.