Advania fær bronsið!
Sænska greiningarfyrirtækið Radar gaf nýverið út skýrslu um gæði þjónustufyrirtækja í upplýsingatækni og ánægju viðskiptavina þar í landi. Þar kemur fram að Advania er, að mati stjórnenda eitt af þeim tæknifyrirtækjum sem skila raunverulegum verðmætum með vinnu sinni fyrir viðskiptavini
Helstu atriði
- Advania 3ja best í að skila viðskiptavinum sínum raunverulegum verðmætum
- 140 fyrirtæki komast á listann
- Advania er eina íslenska fyrirtækið á listanum
Advania skilar raunverulegum verðmætum
Sænska greiningarfyrirtækið Radar gaf nýverið út skýrslu um gæði þjónustufyrirtækja í upplýsingatækni og ánægju viðskiptavina þar í landi. Þar kemur fram að Advania er, að mati stjórnenda eitt af þeim tæknifyrirtækjum sem skila raunverulegum verðmætum með vinnu sinni fyrir viðskiptavini. Advania er í 3. sæti af 140 fyrirtækjum sem þjónusta grunnkerfi til fyrirtækja, en Advania sérhæfir sig einmitt í bestun, stýringu og rekstri slíkra kerfa. Þetta er í fyrsta sinn sem Advania kemst inn á þennan lista, eitt íslenskra fyrirtækja, en Radar kannar ánægju og gæði þjónustu upplýsingatæknifyrirtækja á hverju ári.Viðurkenning á þjónustu sem Advania veitir
„Þetta er frábær árangur hjá okkur og undirstrikar þá áherslu sem leggjum á ávinning og ánægju viðskiptavina okkar. Í þessu tilfelli er verið að veita viðurkenningu á sviði þjónustu og rekstur á grunnkerfum en þau eru oftar en ekki lífsnauðsynleg fyrir rekstur okkar viðskiptavina. Undanfarin misseri höfum við eflt mjög þennan þátt í þjónustu okkar bæði hér heima á Íslandi og á norðurlöndunum og vinnum þétt saman í verkefnum á þessu sviði á milli landa,“ segir Gestur G. Gestsson forstjóri Advania.
140 fyrirtæki voru skoðuð - Advania var í 3. sæti
Rannsókn Radar sem kallast „Radar – Supplier Quality and Customer Satisfaction“ var gerð á tímabilinu nóvember 2013 til mars 2014 á meðal 800 sænskra fyrirtækja sem teljast stórir kaupendur á upplýsingatækniþjónustu og var gefin út þann 7. maí s.l. Lagt var mat á þjónustu og lausnir rúmlega 140 upplýsingatæknifyrirtækja í Svíþjóð. Í rannsókninni leggja svarendur mat á þætti eins og kostnað, skilgreiningu verkefna, tímamörk verkefna, virði þjónustu, samskipti við þjónustufyrirtæki, útkomu úr verkefnum og kunnáttu þjónustuaðila.