Nýjasta nýtt - 01.10.2013
Akureyrarbær auðveldar launavinnslu fyrir rúmlega tvö þúsund starfsmenn bæjarins
Akureyrarbær hefur fest kaup á tíma- og viðveruskráningakerfinu VinnuStund frá Advania en rúmlega tvö þúsund starfsmenn bæjarins og stofnana hans verða notendur í kerfinu. VinnuStund heldur utan um tíma-, viðveru- og fjarvistaskráningar starfsmanna og nýtist til að skipuleggja vinnutíma þeirra.
Tvö þúsund starfsmenn Akureyrarbæjar nota Vinnustund
Akureyrarbær hefur fest kaup á tíma- og viðveruskráningakerfinu VinnuStund frá Advania en rúmlega tvö þúsund starfsmenn bæjarins og stofnana hans verða notendur í kerfinu. VinnuStund heldur utan um tíma-, viðveru- og fjarvistaskráningar starfsmanna og nýtist til að skipuleggja vinnutíma þeirra.Greiðari aðgangur að upplýsingum og betri yfirsýn
„Við innleiðum VinnStund til þess að auðvelda launavinnslu og launaútreikninga. Ávinningur okkar felst í að stjórnendur fá bætta yfirsýn yfir viðveru og fjarveru starfsmanna og starfsmenn fá greiðan aðgang að ýmsum upplýsingum sem nýtast þeim vel,“ segir Halla Margrét Tryggvadóttir starfsmannastjóri Akureyrarbæjar.
VinnuStund verður beintengt við SAP-mannauðs- og launakerfi bæjarins og felur innleiðingin í sér aukna sjálfvirkni í launavinnslu.Upplýsingatækni veitir áþreifanlegan ávinning
„Það er markmið Advania að færa viðskiptavinum sínum áþreifanlegan ávinning af upplýsingatækni. Samtenging tímastjórnunarkerfis eins og VinnuStundar við mannauðskerfi gefur mörg tækifæri til þess að auka skilvirkni í rekstri, bæta yfirsýn stjórnenda og auka starfsánægju á vinnustöðum,“ segir Gestur G. Gestsson forstjóri Advania.