Fréttir - 2.2.2022 11:20:00

Birgitta stýrir viðskiptaþróun hjá Advania

Öflugur hópur sérfræðinga hefur gengið til liðs við Advania til að stýra viðskiptaþróun veflausna fyrirtækisins. Fyrir teyminu fer Birgitta Ósk Rúnarsdóttir sem hefur víðtæka reynslu úr hugbúnaðar- og fjármálageiranum.

Öflugur hópur sérfræðinga hefur gengið til liðs við Advania til að stýra viðskiptaþróun veflausna fyrirtækisins. Fyrir teyminu fer Birgitta Ósk Rúnarsdóttir sem hefur víðtæka reynslu úr hugbúnaðar- og fjármálageiranum. 


Veflausnir Advania er ein stærsta hugbúnaðardeild landsins en þar starfa um 50 sérfræðingar. Hópur sérfræðinga myndar nú nýja einingu innan veflausna sem hefur það hlutverk að hjálpa viðskiptavinum að ná samkeppnisforskoti á sínu sviði. Þau hafa fjölbreytta reynslu á sviði fjármála, vefverslunar, hönnunar og forritunar. Nýlega bættust fjórir öflugir sérfræðingar við teymið sem nú telur tíu manns. 

Fyrir teyminu fer Birgitta Ósk Rúnarsdóttir. Hún hefur yfir 10 ára reynslu í þjónustu við viðskiptavini. Hún kemur til Advania frá Sendiráðinu þar sem hún var verkefnastjóri hugbúnaðarverkefna. Þar áður starfaði hún hjá Landsbankanum og hefur víðtæka reynslu á sviði fjármála. Birgitta hefur setið í stjórn SVEF (Samtaka vefiðnaðarins), Systra og Tvíundar hjá Háskólanum í Reykjavík þaðan sem hún lauk B.Sc. í tölvunarfræði og stundar nú MPM-nám við sama skóla.

 

Arna Gunnur Ingólfsdóttir kemur frá WebMo Design. Hún er meðal helstu sérfræðinga landsins í vefverslun. Arna var áður markaðs- og sölustjóri hjá Stokki Software, vefverslunarstjóri Bláa lónsins og Head of Digital hjá WebMo Design. Hún er með B.Sc. í viðskiptafræði frá Háskólanum í Reykjavík og stundar nú MPM-nám við sama skóla. 

Einar Örn Bjarnason býr yfir 20 ára reynslu í þjónustu við viðskiptavini, innleiðingu og rekstur á kerfum. Hann starfaði áður sem rekstrar- og verkefnastjóri hjá Optima, þar á undan í 10 ár sem sérfræðingur í tækniþjónustu Símans. Hann er með B.Sc. í viðskiptafræði og MPM-gráðu frá Háskólanum í Reykjavík. 

Sveinn Bjarnason hefur yfir 20 ára reynslu af hugbúnaðargerð, fyrst sem forritari hjá Trackwell Software og síðan í 14 ár hjá Fuglum, þar sem hann meðal annars starfaði sem verkefnastjóri stafrænna verkefna síðastliðin fimm ár. Hann er með B.Sc. í tölvunarfræði og MPM-gráðu frá Háskólanum í Reykjavík. 

,,Það er mikill fengur að fá þessa reynslubolta til liðs við okkur enda með yfirgripsmikla þekkingu sem viðskiptavinir okkar munu njóta góðs af. Við erum afskaplega ánægð að hafa náð í svo kraftmikið fólk,” segir Valeria Rivina, forstöðukona veflausna Advania. 

„Advania er eitt stærsta og flottasta tæknifyrirtæki landsins og það er mér mikill heiður að fá tækifæri á að taka við hlutverki deildarstjóra viðskiptaþróunar. Ég er ákaflega þakklát að fá að sameina ástríðu mína sem liggur í tækni, hönnun og viðskiptum,“ segir Birgitta Ósk, deildarstjóri viðskiptaþróunar veflausna. 


 

Fleiri fréttir

Blogg
26.06.2025
Yealink hefur kynnt til leiks nýja vörulínu sem er væntanleg til landsins nú í júlí og nýtir nýjustu tækni í gervigreind. Með nýju MeetingBoard Pro línunni og öðrum nýjungum frá Yealink tekur þú fundarherbergið þitt og fundarupplifunina á næsta stig.
Fréttir
11.06.2025
Advania vinnur að því ásamt NVIDIA að setja upp séríslenskt gervigreindarský, þjónustu sem tryggir íslensku atvinnulífi aðgengi að nauðsynlegu reikniafli til þess að knýja áfram aukna eftirspurn eftir gervigreindarvinnslum. Hérlent gervigreindarský takmarkar nauðsyn mikilla fjárfestinga fyrirtækja og stofnana á fyrstu stigum við innleiðingu og nýtingu gervigreindar, ásamt því að öryggi gagna verður að fullu tryggt.
Fréttir
28.05.2025
Advania hlaut í dag Sjálfbærniásinn 2025 í flokki upplýsingatæknifyrirtækja á Íslandi. Hildur Einarsdóttir forstjóri Advania tók við viðurkenningunni ásamt Þóru Rut Jónsdóttur forstöðumanns sjálfbærni og umbóta hjá Advania.
Viltu vita meira?

Tölum saman

Viltu vita meira? Sendu okkur fyrirspurn.