Ný þekkingarmiðstöð á vefnum
Þann 11. mars síðastliðinn opnaði Fræðslusetrið Starfsmennt nýjan og glæsilegan náms- og þekkingarvef.
Þann 11. mars síðastliðinn opnaði Fræðslusetrið Starfsmennt nýjan og glæsilegan náms- og þekkingarvef. Fræðslusetrið býður opinberum starfsmönnum upp á starfstengda símenntun og veitir stofnunum ríkisins heildstæða þjónustu á sviði starfsþróunar.
Hentar fyrir öll tæki
Nýi vefurinn kemur í staðinn fyrir eldri vef sem var tekinn í notkun árið 2005 og er hannaður jafnt fyrir hefðbundnar borð- og fartölvur og snjallsíma og spjaldtölvur.Fullkomið námskeiðakerfi
Vefurinn er ekki aðeins almennur upplýsingavefur heldur inniheldur hann afar fullkomið námskeiðakerfi. Notendur kerfisins eru ekki aðeins þeir sem taka námskeið hjá Fræðslusetrinu Starfsmennt heldur einnig kennarar og starfsmenn Starfsmenntar Fræðsluseturs. Vefurinn verður mikið notaður en Fræðslusetrið Starfsmennt fær um 3.000 – 4.000 skráningar í ýmiskonar námskeið á hverju ári.
Sjálfsafgreiðsla og góð þjónusta
Vefurinn mun sem sagt nýtast fjölbreyttum hópi starfsmanna hins opinbera ásamt mannauðsstjórum og öðrum stjórnendum. Eins kemur fram í ítarlegu viðtali við Huldu Önnu Arnljótsdóttur framkvæmdastjóra Fræðslusetursins Starfsmennt hér að neðan er lagt upp með einfalda og notendavæna þjónustu og að notendur geti afgreitt sig sem mest sjálfir. Það mun þýða mikið hagræði fyrir alla aðila.
Viðtal við Huldu Önnu Arnljótsdóttur framkvæmdastjóra