Nýjasta nýtt - 13.10.2011

Lilja Brynja Skúladóttir hefur verið ráðin sem fjármálastjóri samstæðureikningsskila Skýrr. Hún mun bera ábyrgð á samstæðuuppgjöri og reikningsskilum samstæðunnar, ásamt því að sjá um framkvæmd innra eftirlits og innri endurskoðunar. Lilja Brynja er löggiltur endurskoðandi frá Háskóla Íslands. Hún starfaði áður hjá KPMG og sem forstöðumaður reikningshalds hjá Icelandic Group og Askar Capital. 

Garðar Már Birgisson hefur verið ráðinn sem forstöðumaður Skýrr á Akureyri. Garðar Már er tölvunarfræðingur frá Háskóla Íslands. Hann var áður yfirmaður tölvudeildar Fjórðungssjúkrahússins á Akureyri, stjórnandi TM Software á Akureyri, yfirmaður hugbúnaðardeildar Íslenskrar erfðagreiningar á Akureyri og framkvæmdastjóri Theriak. Um 40 manns starfa hjá Skýrr á Norðurlandi.

Skýrr er stærsta upplýsingatæknifyrirtæki Íslands og 9. Stærsta UT-fyrirtæki Norðurlanda með starfsemi í fjórum löndum: Íslandi, Noregi, Svíþjóð og Lettlandi. Starfsfólk fyrirtækisins er um 1.100 talsins og þar af vinna um 600 á Íslandi. Skýrr veitir þúsundum kröfuharðra viðskiptavina fjölbreytta þjónustu og lausnir í hugbúnaði, vélbúnaði, rekstrarþjónustu og ráðgjöf. Vöruúrval og þjónusta fyrirtækisins spannar upplýsingatækni frá A til Ö.