Fréttir - 22. maí 2020
Háskóli Íslands og ráðningahugbúnaðurinn 50skills, vinna nú saman að því að efla tengingu milli atvinnulífs og nemenda skólans. Samstarfið felur í sér að viðskiptavinir 50skills, margir af stærstu vinnustöðum landsins, geta nú auglýst störf sín með sjálfvirkum hætti á Tengslatorgi Háskóla Íslands. Mannauðslausnir Advania veita viðskiptavinum 50skills þjónustu.
Virk þátttaka í samfélagi og atvinnulífi er ein af fjórum áherslum í stefnu Háskóla Íslands, HÍ21, þar sem samstarf rannsakenda, nemenda, atvinnulífs, stofnana og þjóðlífs er í forgrunni. Til þess að fylgja eftir þessu stefnumáli opnaði Háskólinn árið 2016 starfamiðluna Tengslatorg Háskóla Íslands á vefnum tengslatorg.hi.is. Markmiðið var að fjölga tækifærum stúdenta til að nýta færni úr háskólanámi í atvinnulífinu og að stuðla að frekara samstarfi nemenda og rannsakenda við starfsvettvang, stofnanir og atvinnulíf. Á vef Tengslatorgs er hægt að miðla störfum og verkefnum þar sem sérstaklega er leitað eftir mannauði úr röðum stúdenta. Frá því vefurinn var settur á laggirnar hefur hann vaxið og dafnað og hafa fjölmörg fyrirtæki fundið framtíðarstarfskrafta sína úr röðum stúdenta.
50skills er ráðningarhugbúnaður sem tugir af stærstu vinnuveitendum á Íslandi nota til að útbúa starfsauglýsingar, vinna úr starfsumsóknum og virkja nýtt starfsfólk á vinnustaðnum.
Með samstarfi Háskóla Íslands og 50skills geta viðskiptavinir fyrirtækisins nú endurbirt atvinnuauglýsingar með sjálfvirkum hætti á Tengslatorgi Háskóla Íslands endurgjaldlaust. Gildir þaðbæði um sumarstörf eða framtíðarstörf sem krefjast háskólamenntunar.
„Við í Háskóla Íslands fögnum mjög þessu samstarfi við 50skills. Tæknilegar lausnir fyrirtækisns tryggja enn betri tengsl atvinnulífsins við stúdenta Háskóla Íslands og ávinningurinn er beggja. Með þessu samstarfi er leiðin úr námi í starf gerð enn skilvirkari,“ segir Jónína Kárdal, verkefnisstjóri Tengslatorgs Háskóla Íslands.
„Við hjá 50skills erum stolt að geta lagt lóð á vogarskálarnar í að tengja saman íslenskt atvinnulíf og Háskóla Íslands. Við erum í einstakri stöðu til að koma á virkri tengingu á milli þeirra sem eru að sækjast eftir vinnuafli og þeirra sem sækjast eftir verkefnum,“ segir Kristján Kristjánsson, framkvæmdastjóri 50skills.
Öflugri tengsl við atvinnulífið með samstarfi Háskóla Íslands og 50skills
Háskóli Íslands og ráðningahugbúnaðurinn 50skills, vinna nú saman að því að efla tengingu milli atvinnulífs og nemenda skólans. Samstarfið felur í sér að viðskiptavinir 50skills, margir af stærstu vinnustöðum landsins, geta nú auglýst störf sín með sjálfvirkum hætti á Tengslatorgi Háskóla Íslands.
Háskóli Íslands og ráðningahugbúnaðurinn 50skills, vinna nú saman að því að efla tengingu milli atvinnulífs og nemenda skólans. Samstarfið felur í sér að viðskiptavinir 50skills, margir af stærstu vinnustöðum landsins, geta nú auglýst störf sín með sjálfvirkum hætti á Tengslatorgi Háskóla Íslands. Mannauðslausnir Advania veita viðskiptavinum 50skills þjónustu.
Virk þátttaka í samfélagi og atvinnulífi er ein af fjórum áherslum í stefnu Háskóla Íslands, HÍ21, þar sem samstarf rannsakenda, nemenda, atvinnulífs, stofnana og þjóðlífs er í forgrunni. Til þess að fylgja eftir þessu stefnumáli opnaði Háskólinn árið 2016 starfamiðluna Tengslatorg Háskóla Íslands á vefnum tengslatorg.hi.is. Markmiðið var að fjölga tækifærum stúdenta til að nýta færni úr háskólanámi í atvinnulífinu og að stuðla að frekara samstarfi nemenda og rannsakenda við starfsvettvang, stofnanir og atvinnulíf. Á vef Tengslatorgs er hægt að miðla störfum og verkefnum þar sem sérstaklega er leitað eftir mannauði úr röðum stúdenta. Frá því vefurinn var settur á laggirnar hefur hann vaxið og dafnað og hafa fjölmörg fyrirtæki fundið framtíðarstarfskrafta sína úr röðum stúdenta.
50skills er ráðningarhugbúnaður sem tugir af stærstu vinnuveitendum á Íslandi nota til að útbúa starfsauglýsingar, vinna úr starfsumsóknum og virkja nýtt starfsfólk á vinnustaðnum.
Með samstarfi Háskóla Íslands og 50skills geta viðskiptavinir fyrirtækisins nú endurbirt atvinnuauglýsingar með sjálfvirkum hætti á Tengslatorgi Háskóla Íslands endurgjaldlaust. Gildir þaðbæði um sumarstörf eða framtíðarstörf sem krefjast háskólamenntunar.
„Við í Háskóla Íslands fögnum mjög þessu samstarfi við 50skills. Tæknilegar lausnir fyrirtækisns tryggja enn betri tengsl atvinnulífsins við stúdenta Háskóla Íslands og ávinningurinn er beggja. Með þessu samstarfi er leiðin úr námi í starf gerð enn skilvirkari,“ segir Jónína Kárdal, verkefnisstjóri Tengslatorgs Háskóla Íslands.
„Við hjá 50skills erum stolt að geta lagt lóð á vogarskálarnar í að tengja saman íslenskt atvinnulíf og Háskóla Íslands. Við erum í einstakri stöðu til að koma á virkri tengingu á milli þeirra sem eru að sækjast eftir vinnuafli og þeirra sem sækjast eftir verkefnum,“ segir Kristján Kristjánsson, framkvæmdastjóri 50skills.