Skattabreytingar

Alþingi samþykkti fyrir áramót hækkanir á sköttum og taka þær gildi 1. janúar 2010. Hér er stutt samantekt

Helstu breytingar á sköttum og gjöldum sem tóku gildi 1. janúar sl.  Ekki er um endanlega upptalningu að ræða og er þeim sem vilja kynna sér málið frekar bent á vefi alþingis og ríkisskattstjóra (byggt á samantekt Samtaka Iðnaðarins). 

• Virðisaukaskattur í efra þrepi hækkar úr 24,5% í 25,5%.
• Staðgreiðsla, tekjuskattur og útsvar, verður á árinu 2010 í þrem þrepum:
  • Af fyrstu 2.400.000 (200.000 á mánuði)   37,22%
  • Af næstu 5.400.000 (450.000 á mánuði)   40,12%
  • Af því sem er umfram 7.800.000 (650.000 á mánuði) 46,12%

• Ef annað hjóna/samskattsaðila er með tekjur í efsta þrepi en hitt ekki, er gerð leiðrétting til lækkunar á álagningu.  Ekki þarf að sækja um leiðréttingu, hún er gerð þegar skattframtal er afgreitt.
• Starfi launþegi hjá fleiri en einum launagreiðanda ber launþeganum að upplýsa í hvaða skattþrepi hann á að vera.
• Persónuafsláttur hækkar í kr. 530.466 eða kr. 44.205 á mánuði.
• Fari greiðslur launagreiðanda til öflunar lífeyrisréttinda fram úr 2 m.kr. og 12% af iðgjaldsstofni skal það sem umfram er reiknast til skattskyldar tekna launamanns.
• Tryggingagjald hækkar úr 7% í 8,65%.
• Tekjuskattur hlutafélaga og einkahlutafélaga hækkar úr 15% í 18%.
• Tekjuskattur sameignar- og samlagsfélaga hækkar úr 23,5% í 32,7%.
• Fjármagnstekjuskattur hækkar úr 10% í 18% en frítekjumark er kr. 100.000.
• Auðlegðarskattur leggst á nettó eigur einstaklinga yfir 90 m.kr. og hjóna og samsköttunaraðila yfir 120 m.kr.  Af eignum yfir ofangreindum mörkum greiðist 1,25% skattur.
• Aðilum sem ber að reikna sér endurgjald fyrir vinnu skulu greiða tekjuskatt af 50% af greiddum arði skv. lögum um hlutafélög og einkahlutafélög sem er umfram 20% af skattalegu bókfærðu eigin fé í árslok viðmiðunarársins.