Nýjasta nýtt - DD.02.YYYY

Föstudaginn 3. febrúar fór í loftið nýr vefur Íslandsbanka sem byggður er á vefumsjónarkerfinu LiSA. Vefurinn er smíðaður og vefaður af veflausnadeild hugbúnaðarlausna Advania. Þar með hefur veflausnadeild Advania tekið alla stóru titlana í íslenska bankageiranum með LiSA, þar sem aðrir notendur kerfisins eru Arion Banki, Landsbanki Íslands og Seðlabanki Íslands.

Veflausnasvið Advania hannar vefsíður, veitir ráðgjöf, setur upp vefi, heimasíður og vefsvæði. Sérfræðingar fyrirtækisins forrita auk þess sérlausnir, innrivefi, vefverslanir og þjónustugáttir. Enn fremur er veitt ráðgjöf fyrir leitarvélabestun og umferðatölur á borð við upplýsingar úr Google.

LiSA er íslenskt vefumsjónarkerfi frá Advania sem hefur verið í virkri þróun frá árinu 1997. Nýjasta útgáfa kerfisins heitir LiSA live. Kerfið gerir alla efnisumsýslu og ritstjórnarvinnu einfalda en veitir einnig forriturum og kerfisstjórum aðgang að nauðsynlegum gögnum fyrir áframhaldandi þróun og rekstur kerfisins. Vefumsjónarkerfið er útbúið með góðum ritli fyrir ritvinnslu og notendur geta breytt efni í ritstjórnarham með útlit vefsins fyrir augum. Virknieiningar er svo hægt að draga inn á síðurnar og móta þannig framsetningu efnisins að vild.

Sjá nánar upplýsingar um þjónustu veflausna Advania