Viðskiptavinir Advania fá aðstoð vegna GDPR

Sérfræðingar okkar eru boðnir og búnir til að veita viðskiptavinum ráðgjöf um nýja persónuverndarlöggjöf (GDPR).

Sérfræðingar okkar eru boðnir og búnir til að veita viðskiptavinum ráðgjöf um nýja persónuverndarlöggjöf (GDPR). 

Þátttaka á morgunverðarfundi Advania, föstudaginn 17. nóvember, um nýju löggjöfina sýnir að stjórnendur íslenskra fyrirtækja eru á tánum og farnir að búa sig undir breytt lagaumhverfi. Fullt var út úr dyrum á fundinum og þegar öllum stólum í húsinu hafði verið ráðstafað þurfti að loka fyrir skráningar. Færri komust að en vildu en á næstu dögum verður upptaka af fundinum birt hér á vefnum ásamt viðtölum við fyrirlesarana.

Nýju lögin skerpa á réttindum einstaklinga gagnvart þeim sem sýsla með persónuupplýsingar. Stjórnendur fyrirtækja þurfa því að kynna sér í hvaða mæli fyrirtæki þeirra vinna með persónuupplýsingar.

Kristján H. Hákonarsson, öryggisstjóri Advania, benti á að fyrstu skrefin í undirbúningsferlinu feli í sér að upplýsa stjórnendateymi innan fyrirtækja svo hægt sé að kortleggja hvort fyrirtækið flokkist sem ábyrgðaraðili, vinnsluaðili eða þróunaraðili við umsýslu gagnanna.
Þegar hlutverk fyrirtækisins hefur verið skilgreint þarf að grípa til viðeigandi ráðstafanna. 

Advania státar af breiðum hópi sérfræðinga sem bjóða fram krafta sína við allt sem viðkemur aðlögun að nýju lagaumhverfi. Sérfræðingunum ber saman um að engin ástæða sé til að örvænta en tímabært sé að hefja undirbúning sem fyrst. 

Svavar H. Viðarsson verið ráðinn til Advania sem sérstakur stjórnendaráðgjafi. Hlutverk hans er að veita stjórnendum fyrirtækja ráðgjöf um undirbúninginn. Svavar hefur starfað í Noregi undanfarinn áratug og hefur mikla reynslu af því að búa fyrirtæki undir nýju löggjöfina.

 Ekki hika við að hafa samband okkur!