Heimsókn frá Ferranti vegna innleiðingar hjá Orkusölunni
Sylvía Rut Sigfúsdóttir
samskiptastjóri Advania
Nýverið tók Advania á móti samstarfsfólki frá Ferranti vegna innleiðingar á Microsoft Dynamics 365 Finance & Operations og MECOMS 365 hjá Orkusölunni. Heimsóknin var mikilvægur þáttur í verkefninu og gaf tækifæri til að vinna saman á sama stað, efla tengslin og undirbúa lokasprett verkefnisins.
Öflugt samstarf í mikilvægu verkefni
Innleiðing F&O og MECOMS 365 hjá Orkusölunni er umfangsmikið samstarfsverkefni þar sem sérþekking og reynsla Orkusölunnar, Advania og Ferranti nýtist sameiginlega. Verkefnateymið býr yfir gríðarlegri þekkingu og vinnur þétt saman en það fylgja því áskoranir að samþætta þrjú teymi og vinna á skilvirkan hátt.
Mikilvægt að vinna saman á sama stað
Á meðan á heimsókninni stóð voru haldnar vinnustofur bæði hjá Advania og Orkusölunni. Þar gafst teyminu tækifæri til að setjast saman, ræða verkefnið frá ólíkum sjónarhornum og byggja upp sameiginlegan skilning á stöðunni og næstu skrefum.
Þótt fjarfundir og stafræn samvinna séu stór hluti af daglegu starfi er einnig mikilvægt að hittast augliti til auglitis. Þegar fólk vinnur saman á sama stað flæða samtölin betur, spurningum er svarað hraðar og auðveldara verður að taka ákvarðanir og ná fram niðurstöðum.
Vinnustofurnar styrktu tengslin milli teymanna og hjálpuðu við að ná fram ákvörðunum og mikilvægum umræðum fyrir lokasprett verkefnisins.
Sameiginleg sýn á næstu skref
Heimsókninni lauk með sameiginlegri og skýrari sýn á áframhaldandi vinnu og auknum krafti í verkefninu. Teymin fóru frá vinnustofunum með sameiginlega forgangsröðun og sterkan grunn fyrir næsta áfanga innleiðingarinnar.
.jpeg)
Samstarf sem skapar verðmæti
Verkefnið sýnir vel hvernig öflugt samstarf við viðskiptavini og alþjóðlega samstarfsaðila skapar verðmæti. Með því að leiða saman rétta fólkið, vinna markvisst og gefa samtalinu góðan tíma verður til sameiginlegur taktur sem styrkir bæði verkefnið og samstarfið til framtíðar.
Við hjá Advania erum stolt af því að taka þátt í þessari mikilvægu innleiðingu með Orkusölunni og Ferranti og hlökkum til að halda áfram að byggja upp lausnina og samstarfið á komandi misserum.