27.11.2024

Mikilvægt að afrita gögn sem geymd eru í skýjaþjónustum erlendis

Töluverð umræða skapaðist um öryggi gagna eftir fjölmiðlaumfjöllun um sæstreng sem slitnaði á milli Svíþjóðar og Litháen og skemmdir á öðrum sæstreng, á milli Finnlands og Þýskalands. Hafsteinn Guðmundsson framkvæmdastjóri Rekstrarlausna Advania ræddi málið í Reykjavík síðdegis á Bylgjunni.

„Það er alls ekki óeðlilegt að þessi umræða komist í hámæli hér á Íslandi þegar við horfum á atburði eins og blasa við okkur í Eystrasaltinu núna. Við búum í sítengdum heimi og ég held að Íslendingar séu í fararbroddi með að nýta sér upplýsingatækni og skýjaþjónustur.“

Hafsteinn segir mikilvægt að horfa til þess að við erum eyja norður í Atlantshafi og reiðum okkur að öllu leyti á sæstrengi og tengingar við umheiminn, þar af eru þrír strengir sem tengja okkur við Evrópu. Hann segir mikilvægt að halda umræðunni um þessi mál hófstilltri.

„Cert-IS hefur nú þegar gefið út að þau sjái ekki ástæðu til að hækka eitthvað viðbúnaðarstig út af þessu, en hafa um leið sagt að þau séu með í frekari undirbúningi vinnu í að rýna í sviðsmyndir og veita íslenskum stofnunum og fyrirtækjum sem eru að reka okkar mikilvægustu innviði ráðgjöf um hvernig réttast sé að reyna að mögulega að halda í lágmarki mögulegum neikvæðum áhrifum sem við gætum þurft að glíma við.“

Möguleikar á að endurbyggja kerfi

Versta sviðsmyndin sé að við verðum slitin úr sambandi, þó að mikið þurfi til að það gerist. Hafsteinn bendir samt á í þessu samhengi að mörg fyrirtæki hér á landi reiða sig á skýjaþjónustur.

„Gögn ýmissa stofnanna og fyrirtækja eru farin að keyra ansi mikið í gagnaverum á Írlandi og í norðvestur Evrópu. Við hjá Advania höfum lagt áherslu á það að þau gögn, tölvupóstur og önnur gögn sem eru mikilvæg fyrirtækjum, séu afrituð til Íslands og tiltæk hérlendis líka ef til rofs eða verulegs samdráttar í bandvídd kæmi til.“

Hluti af sviðsmyndagreiningum sem ríki og einstök fyrirtæki geta farið í þegar þau áhættumeta sínar „krítískustu“ þjónustur. Ég tel að það að hafa afrit gagna fyrir lykilkerfi hérlendis og þá möguleikana á að endurbyggja kerfi hér heima sé mikilvægt.“

Hægt er að hlusta á viðtalið í heild sinni á fréttavefnum Vísi og hér fyrir neðan.

Með sjálfvirkri afritun úr skýjaþjónustum til Íslands geta fyrirtæki nú uppfyllt kröfur um gagnageymslu á Íslandi og jafnvel sett upp rauntímaafritun milli landshluta. Þannig getur rekstraröryggi verið tryggt, jafnvel í neyðartilvikum þegar allt samband við útlönd er í uppnámi.

Fleiri fréttir

Fréttir
09.01.2025
NVIDIA kynnti nýlega Project DIGITS. Gervigreindar-ofurtölvu sem veitir rannsakendum, gagnavísindamönnum og nemendum um allan heim aðgang að gervigreindarlausninni NVIDIA Grace Blackwell. Þetta er í fyrsta sinn sem slíkt afl er beislað í boxi sem passar á ósköp venjulegt skrifborð.
Blogg
07.01.2025
Sem netöryggisráðgjafi rekst ég oft á fyrirtæki sem treysta á Linux netþjóna til að keyra mikilvæg kerfi og forrit, en á sama tíma eru þau ekki fullviss um öryggi og stöðugleika þeirra. Hver kannast ekki við Linux þjóna sem hafa verið keyrandi í mörg hundruð daga án þess að vera endurræstur? Það má ekki endurræsa því þetta einfaldlega virkar og þekkingin til að bilanagreina ef eitthvað bilar er ekki til staðar. Þá er gott að spyrja sig, hver er raunveruleg staða öryggis, uppfærslna og viðhalds á þínum Linux netþjónum?
Fréttir
06.01.2025
Advania á Íslandi er nú í hæsta mögulega flokki samstarfsaðila NVIDA. Þetta markar tímamót í samstarfi fyrirtækjanna og opnar á frekari möguleika.
Viltu vita meira?

Tölum saman

Viltu vita meira? Sendu okkur fyrirspurn.