Noona bætist í hóp Salesforce viðskiptavina Advania
Aron Kári Aðalsteinsson
Óli Þór Gunnarsson
Vörustjóri
Noona hefur lokið innleiðingu á Salesforce í samstarfi við Advania og markar það mikilvægan áfanga í áframhaldandi þróun á þjónustu og samskiptum við viðskiptavini.
Innleiðing CRM lausnar eins og Salesforce snýst ekki eingöngu um tæknilega uppsetningu heldur um að bæta yfirsýn, styrkja ferla og skapa betri upplifun fyrir bæði starfsfólk og viðskiptavini. Með lausninni hefur Noona stigið skref í átt að aukinni skilvirkni og gagnadrifinni ákvarðanatöku sem styður við vöxt og áframhaldandi þróun fyrirtækisins.
Öflug CRM lausn er jafnframt grunnur að frekari stafrænum umbreytingum, þar á meðal aukinni sjálfvirkni og nýtingu gervigreindar í þjónustu og samskiptum við viðskiptavini. Með Salesforce hefur Noona skapað sér traustan grunn fyrir slík næstu skref.
Samstarfið við teymið hjá Noona hefur gengið afar vel og einkenndist af skýrri sýn, góðu samstarfi og metnaði til að ná árangri.
„Innleiðingin á Salesforce hefur hjálpað okkur að ná betri yfirsýn yfir þjónustuna og styðja betur við okkar viðskiptavini. Samstarfið við Advania hefur verið faglegt og lausnarmiðað frá upphafi.“
- Tinna Jóhannsdóttir, teymisstjóri þjónustu hjá Noona
Í tilefni af þessum áfanga heimsóttum við hjá Advania teymið hjá Noona og færðum þeim köku til að fagna árangrinum, augnablik sem undirstrikar gott samstarf og sameiginlegan árangur.
Við óskum Noona innilega til hamingju með innleiðinguna og hlökkum til áframhaldandi samstarfs.