NVIDIA kynnir ofurtölvu fyrir okkur hin
NVIDIA kynnti nýlega Project DIGITS. Gervigreindar-ofurtölvu sem veitir rannsakendum, gagnavísindamönnum og nemendum um allan heim aðgang að gervigreindarlausninni NVIDIA Grace Blackwell. Þetta er í fyrsta sinn sem slíkt afl er beislað í boxi sem passar á ósköp venjulegt skrifborð.
Lykillinn er GB10 ofurflagan
GB10 er ARM kerfi (e. System on a chip) og er byggt á NVIDIA Grace Blackwell arkitektúr. Flagan skilar allt að einu petaflop-i af afköstum í gervigreindarverkefnum, frammistöðutala sem aldrei hefur sést áður í tölvu af þessari smæð. GB10 inniheldur NVIDIA Blackwell GPU, NVIDIA Grace örgjörva, 128GB vinnsluminni og allt að 4TB af geymslurými. Auk þess er hægt að nýta NVIDIA ConnectX til að tengja tvær vélar saman og keyra þannig módel með allt að 405 milljörðum breyta. Fyrir þau sem skilja hvað eitthvað af þessu þýðir, eru því verulega spennandi tímar framundan.
Ofurtölvutæknin Grace Blackwell AI verður innan seilingar
Með Grace Blackwell arkitektúrnum sem tæknin er byggð á, geta fyrirtæki og notendur set fram frumgerðir, fínstillt og prófað módel á vélinni, og gefið út á NVIDIA DGX Cloud eða öðrum skýjalausnum. Þetta gerir notendum kleift að vinna gervigreindarvinnu á staðnum, og skala svo upp sömu tækni í skýinu. Samhliða opnast fyrir ótal verkfæri frá NVIDIA sem notuð eru í gervigreindarvinnu, t.d NVIDIA NeMo, NVIDIA RAPIDS, NVIDIA Blueprints og NVIDIA NIM.
Verður í boði hjá Advania
Advania á Íslandi er Elite Partner hjá NVIDIA. Project DIGITS ofurtölvan er því væntanleg í sölu seinna á árinu. Verð og tímasetningar verða tilkynnt síðar, en hægt er að fylgjast með framvindu mála með því að skrá sig á póstlistann Innviðalausnir: