Tími hugmyndasmiðsins er kominn
„Framkvæmdarhlutinn er orðinn miklu minni og ódýrari… þá er hlutfallslega hugmyndin orðin miklu meira virði,“ segir Hafsteinn Einarsson, dósent við Háskóla Íslands, í viðtali í nýjasta þættinum af hlaðvarpin Tæknital.
Hafsteinn bendir á að hraður tæknivöxtur sé að umbreyta því hvernig hugmyndir verða að veruleika
Hann setur þetta skýrt í samhengi. „Tími hugmyndasmiðsins er kominn.“
Hann ræðir í þættinum við Viðar Pétur Styrkársson um feril sinn, rannsóknir á gervigreind og þær áskoranir sem fylgja þróun mállíkana. Hafsteinn fer meðal annars yfir hvernig áhugi hans á gervigreind kviknaði á sama tíma og djúp tauganet fóru að sækja í sig veðrið. Sú þróun markaði upphaf þeirrar bylgju sem við sjáum í dag.
„Það má eiginlega segja að þessi gervigrendarbylgja sem við erum í núna hafi svolítið verið í startholunum þá.“
Í dag beinast rannsóknir hans að hagnýtingu gervigreindar, meðal annars í íslenskri máltækni og samstarfi við innlendar stofnanir. Þar skiptir tungumál miklu meira máli en margir gera sér grein fyrir:
„Það var frekar mikill munur í getu eftir því hvort fyrirmælin væru á íslensku eða ensku.“
Eitt af lykilviðfangsefnum hans snýr að öryggi og ábyrgri notkun gervigreindar. Hann bendir á að fyrstu mállíkönin hafi einfaldlega lært af öllu internetinu, þar með talið efni sem getur verið skaðlegt:
„Það lærir þá allt rugl sem er á internetinu.“
Þrátt fyrir framfarir í að temja líkön bendir Hafsteinn á að enn sé hægt að komast framhjá vörnum þeirra, til dæmis með því að setja fram ákveðið samhengi eða hlutverk:
„Þú þarft að búa til einhverjar aðstæður og þá nærðu einhvern veginn að brjótast í gegnum varnirnar.“
Þátturinn fjallar einnig um mikilvægi gagnasöfnunar fyrir íslensku, þar sem skortur á gögnum getur haft áhrif á gæði og hegðun líkana. Þetta og margt fleira í þættinum sem má hlusta á hér fyrir neðan og á Spotify.
Fleiri þættir af Tæknital