Jafnlaunavottun

Atvinnurekendur þurfa að huga að mörgu í aðdraganda gildistöku laga um jafnlaunavottun. En það er ekkert að óttast, við hjálpum þér að mæta þessum kröfum auðveldlega og örugglega!

Hvað er jafnlaunastjórnkerfi?

Með innleiðingu á ÍST 85/2012 staðlinum sem liggur til grundvallar jafnlaunavottun er atvinnurekandi í raun að koma sér upp stjórnkerfi til að tryggja að ákvörðun launa sé málefnaleg og að rökstuðningur fylgi ákvörðunum. Þegar talað er um stjórnkerfi í þessu samhengi er átt við eftirfarandi:

  • Verklag sé skýrt við ákvörðun launa
  • Störf og einstaklingar séu metnir eftir viðeigandi þáttum
  • Skipulega sé fylgst með og haldið utan um laun starfsmanna og tryggt að brugðist sé við launamisræmi
  • Tekið sé á móti ábendingum
  • Úrbætur séu framkvæmdar með meðvituðum og rekjanlegum hætti

Það er ekki gefið að það sé auðvelt fyrir stjórnendur að byrja á þessu verkefni og auðveldlega geta vaknað spurningar um hvar rétt sé að byrja eða hvernig best sé að standa að málum. Þess vegna höfum við þróað lausnir sem hjálpa þér að stíga réttu skrefin í jafnlaunavottunarferlinu.

easyEQUALPAY

Við bjóðum upp á easyEQUALPAY, tól sem auðveldar fyrirtækjum að innleiða jafnlaunakerfi og standast þannig lög um jafnlaunavottun. Lausnin gefur þér skýra yfirsýn til að fylgja eftir þeim aðgerðum sem þú og þitt fyrirtæki þurfið að ráðast í. Þannig verður einfaldara fyrir þig að fylgja regluverkinu.

  • Vöktun
  • Innri og ytri úttektir
  • Rýni stjórnenda
  • Móttaka ábendinga
  • Frávikaskráning
  • Úrbótaverkefni
  • o.fl.

H3 Launa- og mannauðskerfi

H3 Launa- og mannauðskerfi er heildstæð kerfislausn sem veitir þér greinagóða yfirsýn í launa- og mannauðsmálum. Góð yfirsýn og stjórnkerfi þar sem haldið er utan um launakjör starfsmanna er ein af grunnforsendum þess að mæta kröfum um jafnlaunavottun. H3 kerfið er því einstaklega hagnýt lausn, bæði þegar kemur að þeirri vinnu að innleiða jafnlaunavottun og til þess að ná betri tökum á launa- og mannauðsmálum fyrirtækisins.

Hvað þarf ég að gera í tengslum við jafnlaunavottun?

Sérfræðingar okkar hafa tekið saman stutt yfirlit yfir ýmislegt sem gott er að vita í tengslum við Jafnlaunavottun.

Tækifærin í jafnlaunavottun

Líta má á jafnlaunavottun sem kjörið tækifæri fyrir fyrirtæki til að koma sér upp agaðri vinnubrögðum í launamálum, öllum til bóta.

Advania býður upp á hagkvæma og þægilega lausn sem auðveldar fyrirtækjum til muna að standast jafnlaunavottun og koma sér upp skynsamlegum ferlum í launamálum. 

Er allt tilbúið hjá þér?

Fjöldi starfsmanna í fyrirtækjum segir til um hvenær fyrirtæki þurfa að hafa öðlast jafnlaunavottun. Í aðdraganda vottunar verða fyrirtæki og stofnanir að hafa gripið til ákveðinna aðgerða og komið sér upp kerfum til að standast vottun.

  • Fyrirtæki með 250 eða fleiri starfsmenn - Skulu öðlast vottun eigi síðar en 31.des 2019
  • Fyrirtæki með 150-249 starfsmenn - Skulu öðlast vottun eigi síðar en 31.des 2020
  • Fyrirtæki með 90-149 starfsmenn - Skulu öðlast vottun eigi síðar en 31.des 2021
  • Fyrirtæki með 25-89 starfsmenn - Skulu öðlast vottun eigi síðar en 31.des 2022

Nánari upplýsingar um jafnlaunalausnir Advania 

Vinsamlega fyllið inn í reitina fyrir neðan

Rusl-vörn