Andri Már Helgason
Vörustjóri Power Platform

Microsoft 365 er orðið hjarta upplýsinga hjá flestum fyrirtækjum með vistun skjala, verkefnasvæðum og teymisvinnurýmum. Það sem kannski fæstir gera sér grein fyrir er að SharePoint og OneDrive er þungamiðja gagnageymslu fyrir þessar lausnir. Sú hraða þróun sem hefur fylgt notkun Microsoft 365 fylgir líka ákveðin áskorun: Hver hefur aðgang að hverju? Eru einhverjir veikleikar fyrir hendi? Hvað gerist þegar gervigreind eins og Copilot fær aðgang að þessum gögnum?

Í stað þess að treysta á tilfinningu, tilfallandi úttektir eða sundurleit gögn, skilar Varða einföldu og mælanlegu mati á stöðu umhverfisins. Varða greinir allt SharePoint  og OneDrive landslagið og setur niðurstöðurnar fram þannig að auðvelt er að taka upplýstar ákvarðanir.

Helstu kostir Vörðu eru meðal annars:

• Minnkuð rekstrar- og öryggisáhætta
  Varða hjálpar til við að greina of víðtækar heimildir, ótrygga deilingu og ytri aðganga áður en þessi misbrestir verða að öryggisatviki.
• Skýr stjórnendayfirsýn í einföldu formi
  Niðurstöður birtast meðal annars sem heildareinkunn (A+–F) og sýnileg forgangsröðun á helstu veikleikum, tækifærum og nauðsynlegum aðgerðum.
• Stuðningur við regluvörslu og samræmi (compliance)
  Varða styður markvissa stefnumótun með tillögum sem geta tengst t.d. Purview, næmismerkingum (Sensitivity Labels) og DLP-stefnum, byggt á raunverulegri notkun og áhættu.
• Tímasparnaður og betri forgangsröðun
  Með sjálfvirkri greiningu og tilbúnum aðgerðalista sparast bæði tími og kostnaður  sem styður ákvörðunartöku í stað ágiskana.

Varða er hönnuð til að skila niðurstöðum sem nýtast bæði stjórnendum og sérfræðingum:

• Auðlæsilegt PDF-yfirlit með:
  • heildarstöðu og áhættumati.
  • skýru yfirliti yfir stöðu umhverfisins.
  • forgangsröðuðum tillögum að aðgerðum.
• Skýr mynd af gagnasafninu:
  • hvaða svæði eru virk, úrelt eða yfirgefin.
  • hvar vantar eigendur, ábyrgð og skýra stýringu.
• Traustan grunn fyrir stefnumótun, t.d. fyrir:
  • Copilot innleiðingu.
  • upplýsingaöryggi.
  • áframhaldandi eftirlit og líftímastýringu gagna.

Af hverju þarf að yfirfara Microsoft 365 umhverfi áður en Copilot er innleitt?

Copilot getur aukið afköst og gæði vinnu þar sem Copilot vinnur ofan á gögnin sem fyrirtækið er þegar með og notandinn hefur aðgang að. En á sama tíma þýðir það einfaldlega að Copilot ýtir undir sýnileika og vitund notenda að aðgengi að gögnum, jafnvel viðkvæmum gögnum. Eitthvað sem notandinn hafði mögulega ekki vitneskju um fyrir.

Ef umhverfið inniheldur víðtækar heimildir (t.d. of stórir hópar með aðgang), óstýrða deilingu eða óljósa deilingartengla, gamlar síður án eigenda, viðkvæmar skrár á röngum stað, þá getur Copilot ýtt undir vitun notenda að aðgengi að slíkum upplýsingum.

Þetta er ekki endilega vegna galla í Copilot, heldur vegna þess að grunnstillingar, aðgangsstýringar og stillingar á deilingu gagna í Microsoft 365 umhverfinu eru ekki réttar.

Þess vegna er skynsamlegast að fara í markvissa greiningu og úrbætur áður en Copilot er virkjað þvert yfir fyrirtækið.

Varða styður Copilot-innleiðingu á mjög hagnýtan máta með því að hjálpa fyrirtækjum að:

• meta hvað í umhverfinu er örugg og hvar er áhætta.
• forgangsraða þeim atriðum sem mestu máli til að draga úr áhættu og hvernig má ná árangri hratt.
• loka á óæskilegt aðgengi að viðkvæmum gögnum áður en Copilot er víkkað út.
• byggja upp sjálfbæra governance-stýringu þannig að árangur haldist til lengri tíma (ekki bara sem einkvæm aðgerð)

Í framkvæmd getur þetta falið í sér skref eins og:

• endurskoðun aðgangsstýringa (hver sér hvað og af hverju).
• stýringu ytri aðgangs og aðgengi gesta.
• stýringu deilingartengla (t.d. færri víðtækir tenglar og meiri notkun á “Specific people”).
• markviss innleiðing næmnismerkinga (Sensitivity lables) og DLP-reglna.
• lífsferilsstjórnun svæða.
• áfangaskipta Copilot-innleiðingu.

Hafðu samband við okkur til að fá nánari upplýsingar um Vörðu og hvernig greiningin getur stutt þína Copilot-vegferð.