19.8.2019 | Fréttir

Látum sérfræðinga um tölvumálin

advania colors line

Advania hefur annast öll tölvumál fyrir verkfræðistofuna VSO undanfarin 20 ár. „Við treystum því að Advania veiti okkur bestu mögulegu ráðgjöf og erum mjög ánægðir með þjónustuna,“ segir fjármálastjóri VSO.

Verkfræðistofan VSO var eitt fyrsta fyrirtækið til að gera alrekstrarsamning við Advania en það var fyrir tuttugu árum. Advania hefur annast allt sem við kemur upplýsingatækni fyrirtækisins síðan. Það gerir starfsfólki VSO kleift að einbeita sér að sinni kjarnastarfsemi án þess að hafa áhyggjur af nokkru sem viðkemur tölvum og upplýsingatækni.

Fyrir tveimur áratugum, þegar VSO ákvað að leita til Advania, störfuðu um 70 manns hjá stofunni. „Það var orðið of mikið verk fyrir einn kerfisstjóra að halda tölvukerfum okkar gangandi. Þegar upp komu neyðartilvik þá þurfti kerfisstjórinn að leita eftir sérfræðiaðstoð úti í bæ og það gekk á ýmsu. Þá kom upp sú hugmynd að fela utanaðkomandi sérfræðingum að annast allt sem viðkom hýsingu og rekstri á tölvukerfum VSO. Við vorum ekki sérfræðingar í tölvumálum og vildum einbeita okkur að því sem við kunnum best,” segir Haukur Hlíðkvíst Ómarsson fjármálastjóri VSO.

VSO og Advania hafa átt farsælt samstarf. Advania hýsir og rekur upplýsingakerfi VSO, tryggir hámarks afköst þeirra, veitir ráðgjöf um hugbúnað og tölvukaup og sér til þess að allt virki eins og það á að gera.
„Við setjum allt okkar traust á Advania og treystum því að við fáum bestu mögulegu ráðgjöf sem völ er á. Advania hefur risið undir þeirri ábyrgð og við erum mjög ánægðir með þjónustuna,“ segir Haukur.

Hér má heyra hvernig VSO upplifir samstarfið við Advania:

Myndi það gagnast þér og þínum vinnustað að fela sérfræðingum að annast allt sem viðkemur upplýsingatækni? Hjá Advania er fjöldi sérfræðinga á vakt allan sólarhringinn, alla daga ársins og veita þjónustu sem tryggir hámarks upptíma og afkastagetu tölvukerfa. Ekki hika við að hafa samband. 

 


TIL BAKA Í EFNISVEITU