13.2.2020 | Fréttir

Einstök þekking á þráðlausum netkerfum

advania colors line

Stefan Johannes Van Nierop netkerfasérfræðingur Advania, hlaut á dögunum eina æðstu gráðu sem hægt er að fá frá Cisco. Stefan er nú einn af helstu sérfræðingum landsins á sviði þráðlausra netkerfa og tækni.

Við hjá Advania erum stolt af Stefani sem hefur öðlast hina svokölluðu CCIE-W gráðu (Cisco Certified Internetworking Expert - Wireless) eftir strangt próf á vegum Cisco. Stefan hefur viðað að sér gríðarlegri sérþekkingu og er nú annar á landinu með vottun á þessu sviði frá Cisco.

Þekking Stefans nýtist vel í netdeild Advania sem rekur og hýsir netkerfi fjölmargra fyrirtækja og stofananna.

Cisco er leiðandi fyrirtæki í heiminum á sviði netbúnaðar og netöryggislausna. Fyrirtækið stendur fyrir ýmiskonar þjálfun og námi þar sem strangar kröfur eru gerðar til þátttakenda.
Fjölmörg fyrirtæki á Íslandi eru farin að útvista rekstri netkerfa til sérhæfðra þjónustufyrirtækja, á borð við Advania. Þróunin gerist í takt við að starfsemi fyrirtækja færist í auknum mæli upp í skýið. Samhliða því aukast kröfur um stöðugan uppitíma og öryggi netkerfa. Gríðarlegur vöxtur hefur orðið í þeim hluta þjónustu Advania sem snýr að rekstri, hýsingu, vöktun og ráðgjöf á netkerfum fyrirtækja.

„Sífellt fleiri upplýsingakerfi og notendur treysta alfarið á þráðlaus netkerfi. Á sama tíma eru gerðar auknar kröfur um gagnaöryggi. Aðeins vel hönnuð þráðlaus net tryggja öruggan aðgang að netinu,“ segir Stefan.
Netdeild Advania hefur fjórfaldast á tveimur árum og skipar nú um 35 tæknimenn og sérfræðinga sem annast sólarhringsvöktun á kerfum fjölmargra fyrirtækja. Öryggisráðstafanir úreldast hratt og því getur það verið fyrirtækjum nauðsynlegt að hafa öflugan hóp sérfræðinga til að tryggja öryggi sinna kerfa.


TIL BAKA Í EFNISVEITU