28.1.2021 | Fréttir

Microsoft velur Advania samstarfsaðila ársins 2021

advania colors line

Microsoft verðlaunar Advania fyrir framúrskarandi árangur og samstarf á árinu sem einkenndist af heimsfaraldri og fjarvinnu.

Undanfarið ár hafa skýjalausnir Microsoft leikið lykilhlutverk í að halda starfsemi samfélagsins gangandi. Á tímum heimsfaraldurs hafa vinnustaðir þurft að bregðast hratt við og innleiða lausnir sem gerðu fólki kleift að vinna heima hjá sér. Advania hefur verið leiðandi í því að koma Microsoft-lausnunum á framfæri á fjölmörgum íslenskum vinnustöðum og aðstoða fyrirtæki og stofnanir við fjarvinnu og innleiðingu á Microsoft 365 og auðvitað Teams.

Samstarfsverðlaun Microsoft eru árlegur viðburður og mikils metin viðurkenning meðal fyrirtækja í upplýsingatækni.

Sala og ráðgjöf á sviði Microsoft-lausna hjá Advania var efld til muna á liðnu ári en þar starfa rúmlega 200 Microsoft-sérfræðingar. Berenice Barrios sem fer fyrir hópnum fagnar viðurkenningunni innilega.

,,Okkur hefur fundist brýnt að aðlagast nýrri tækni og læra af atburðum ársins. Það er hvetjandi að sjá seigluna í starfsfólki Advania við að veita viðskiptavinum okkar nýstárlega og einstaka þjónustu á þessum undarlegu tímum. Microsoft-verðlaunin eru því mikill heiður og sérstaklega þýðingamikil fyrir okkur í ár,” segir Berenice Barrios.

,,Advania er stærsti samstarfsaðili Microsoft á Íslandi og hefur sýnt forystu í að innleiða nútímalegt vinnuumhverfi, styrkja öryggi og tæknilega innviði hjá íslenskum fyrirtækjum á tímum Covid. Advania hefur átt farsælt og vaxandi samstarf við Microsoft á undanförnum árum og það er ánægjulegt að fylgjast með metnaðarfullri þróun mála, ekki síst hvað viðkemur þróun í skýjalausnum þar sem samstarfið við Microsoft hefur verið hvað sterkast,” segir Ragnhildur Ágústsdóttir, sölustjóri skrifstofu- og öryggislausna hjá Microsoft í Danmörku og Íslandi.

Á myndinni (frá vinstri) eru þær Ragnhildur Ágústsdóttir frá Microsoft á Íslandi, Berenice Barrios, María Björk Ólafsdóttir og Sigrún Eir Héðinsdóttir frá Advania sælar með viðurkenninguna. 

 

 

TIL BAKA Í EFNISVEITU