Ný tilkynningagátt um öryggisbresti var opnuð af samgönguráðherra í dag. Gáttin auðveldar fyrirtækjum og stofnunum að tilkynna um öryggisatvik sem kunna að koma upp í þeirra rekstri.

Ný tilkynningagátt um öryggisbresti var opnuð af samgönguráðherra í dag. Gáttin auðveldar fyrirtækjum og stofnunum að tilkynna um öryggisatvik sem kunna að koma upp í þeirra rekstri.


Tilkynningargáttin oryggisatvik.island.is var smíðuð af veflausnum Advania með stuðningi samgöngu- og sveitarstjórnunarráðuneytisins . Hún er rekin af Póst- og fjarskiptastjórnun og Persónuvernd. Lögreglan á höfuðborgarsvæðinu kemur einnig að verkefninu.
Vefgáttin er einföld og notendavæn. Þar geta fyrirtæki og stofnanir tilkynnt um netárásir, netglæpi eða öryggisbresti sem snúa að vinnslu persónuupplýsinga.

Samkvæmt persónuverndarlögum ber að tilkynna um öryggisbresti við vinnslu persónuupplýsinga innan 72 klukkustunda. Þann 1. september 2020 ber einnig að tilkynna alvarleg öryggisatvik til CERT-IS og netöryggissveitar Póst- og fjarskiptastofnunar. Með tilkomu gáttarinnar er orðið auðveldara að tilkynna um öryggisatvik.

Mikill tímasparnaður er fólgin í því að geta nú með einföldum hætti tilkynnt öllum viðeigandi aðilum um stöðu mála í stað þess að margskrá sömu upplýsingar í ólík kerfi. Með hverri tilkynningu fylgja ítarlegar upplýsingar sem hjálpa þeim stofnunum sem við þeim taka að vinna úr þeim. 

„Netöryggi og vend persónuupplýsinga er gríðarlega mikilvægt verkefni. Við vitum að íslensk fyrirtæki hafa tapað milljörðum króna vegna netárása og mörg þeirra vegra sig við að tilkynna öryggisatvik. Því má gera ráð fyrir að tapið sé mörgum sinnum meira. Við höfum unnið að því á síðustu árum að bæta lagaumgjörð á þessum sviðum og efla vitund um netöryggi. Með nýrri tilkynningagátt er stórt skref stigið í að bæta þjónustu hins opinbera,“ segir Sigurður Ingi Jóhannsson, samgöngu- og sveitarstjórnarráðherra sem opnaði gáttina með formlegum hætti í dag ásamt þeim Helgu Þórisdóttur, forstjóra Persónuverndar, Hrafnkatli V. Gíslasyni, forstjóra Póst- og fjarskiptastofnunar og Sigríði Björk Guðjónsdóttur, ríkislögreglustjóra. Hrafnhildur Sif Sverrisdóttir, Hrefna Arnardóttir, Jón Heiðar Sigmundsson og Haukur Óskar Hafþórsson frá veflausnum Advania voru einnig viðstödd við opnunina.

Sérfræðingar veflausna Advania unnu að tæknilegri- og grafískri hönnun, forritun, verkefnastjórnun og uppsetningu gáttarinnar. Mikil áhersla var á öryggi og aðgengi og er notast við rafræn skilríki til innskráningar.