Öskudagur nálgast og um þetta leyti væru margir búnir að velja sér glæsilegan búning til gera sér glaðan dag í vinnunni. En þegar stór hluti starfsmanna er heima að vinna í gegnum Teams, á þá að sleppa búningafjörinu?

Öskudagur nálgast og um þetta leyti væru margir búnir að velja sér glæsilegan búning til gera sér glaðan dag í vinnunni. En þegar stór hluti starfsmanna er heima að vinna í gegnum Teams, á þá að sleppa búningafjörinu?

Aldeilis ekki – tæklum þetta með tækninni!

Það er nefnilega lítið mál með réttu tólunum að klæða sig upp á rafrænum fundum. Sumir myndu jafnvel segja að þetta væri talsvert auðveldara en að keyra um bæinn í leit að búningi.
Snap Camera er forrit frá Snapchat sem hægt er að ná í Windows og Mac tölvur. Það setur filter á manneskjuna sem er í mynd (jú eða klæðir hana í búning) og birtir í spjallforritum. Til að mynda í Teams og Zoom. Hvort sem þú vilt vera kúreki, strumpur eða prinsessa – þetta litla forrit bjargar málunum. 

Hvernig græjum við þetta?
Til að ná í forritið ferðu á snapcamera.snapchat.com, hleður því niður og setur upp. Eftir uppsetningu opnast forritið og þú ættir að sjá sjálf/a/an/t þig. Ef  þú sérð þig ekki, þarftu kannski að fara í stillingar uppi í hægra horninu og velja vefmyndavélina í tölvunni þinni.

Í Snap Camera veljum við hvaða búning okkur langar að „klæða okkur í“ með því að velja úr listanum eða hreinlega slá inn hvað við erum með í huga.

Ps. Engar áhyggjur - það er hægt að slökkva á búningnum hvenær sem er með því að ýta á hann aftur í listanum í Snap Camera. Engin hætta á kattalögfræðingum hér. 

En hvernig færum við fjörið á Teams?

Það er heldur betur lítið mál. Snap Camera kemur einfaldlega upp sem önnur myndavél í Teams sem hægt er að skipta yfir á. Okkar reynsla var að best væri að hefja fundinn fyrst og ræsa svo Snap Camera forritið. Ef þú færð upp villu í Snap Camera og enga mynd í Teams, er best að loka Snap Camera alveg (með því að hægra smella á það niðri í hægra horninu og velja Quit) og ræsa það aftur.

Hægt er að skipta yfir á Snap Camera í Teams með því að ýta á punktana þrjá á meðan fundi stendur og velja svo Device settings.

Hvaða búning á ég eiginlega að velja? 

Úrvalið af búningum í Snap Camera er svo til endalaust og um að gera að leyfa ímyndunaraflinu að ráða för. Við tókum smá forskot á sæluna og héldum nokkra fundi í okkar uppáhalds búningum. 

Þessi fundur á milli strumps, hreindýrs, kúreka og nornar var sérstaklega afdrífaríkur. 

En þessi á milli Tiger King, tígrisdýrs og tveggja Mc'Donalds nagga skilaði voða litlu.

Að lokum má svo hér sjá Stubbana ræða við hamborgara og pizzu um tímaskráningu á verkum.

Gleðilegan stafrænan Öskudag og góða skemmtun!