Verkada á Íslandi: Snjallara öryggi og fullkomin tímasetning
Sigurgeir Þorbjarnarson
Vörustjóri funda- og samskiptalausna
Verkada er á mikilli siglingu á íslenskum markaði, og það er engin tilviljun. Sífellt fleiri íslensk fyrirtæki og stofnanir eru að færa sig yfir í öryggislausn sem er hönnuð fyrir skýið frá grunni, uppfærist sjálfkrafa og verður snjallari með hverri uppfærslu. En af hverju einmitt núna? Svarið liggur meðal annars á óvæntum stað: verðmiðanum á minni.
Þegar minnið verður munaðarvara
Hefðbundin öryggiskerfi byggja á því að safna öllu efni á staðbundna netþjóna, troðfulla af hörðum diskum og vinnsluminni. Því fleiri myndavélar og því hærri upplausn, því meira minni þarf, og þar liggur vandinn.
Á fyrri hluta árs 2026 hefur verð á vinnsluminni (DRAM) fyrir netþjóna rokið upp úr öllu valdi. Sumar greiningar nefna nær 90% hækkun á einum ársfjórðungi, og verð á SSD-geymslum hefur fylgt fast á eftir. Ástæðan er einföld: gervigreindin er að soga til sín nánast alla framleiðslugetu heimsins á minni, og sérfræðingar telja að ástandið haldist út árið 2027.
Fyrir þann sem ætlar að byggja upp, endurnýja eða stækka hefðbundið upptökukerfi þýðir þetta eitt: reikningurinn hækkar, og hann heldur áfram að hækka.
Hybrid-lausn sem er hönnuð fyrir þennan veruleika
Hér skín Verkada. Í stað þess að reiða sig á miðlægan netþjón stútfullan af diskum geymir hver Verkada-myndavél efnið á innbyggðri SSD-geymslu, og skýið sér um stjórnun, afrit, aðgang og deilingu.
Þetta er hybrid-lausn í bestu merkingu orðsins: þú færð styrk skýsins án þess að þurfa að fjárfesta í dýru minni sem verður sífellt dýrara. Kostnaðurinn verður fyrirsjáanlegur, uppsetningin einföld og kerfið stækkar með þér, ein myndavél í einu, án þess að þú þurfir að kaupa næsta netþjón.
Í markaði þar sem minnið er orðið að munaðarvöru er þetta ekki bara þægilegt. Það er beinlínis skynsamlegt.
Kerfi sem stendur aldrei í stað
Það sem kemur mörgum á óvart við Verkada er hraðinn. Þetta er ekki kerfi sem þú kaupir og gleymir, heldur er þetta kerfi í stöðugri þróun. Nýir eiginleikar birtast reglulega í gegnum skýið, án þess að þú þurfir að skipta um vélbúnað eða kalla til tæknimann.
Sú öryggismyndavél sem þú kaupir í dag verður einfaldlega öflugri eftir hálft ár. Það er sjaldgæft loforð í heimi vélbúnaðar.
Gervigreindin í hjarta kerfisins
Það er einmitt gervigreindin sem knýr þessa þróun áfram. Hún er ekki lengur aukahlutur ofan á Verkada, heldur komin í sjálfan kjarna kerfisins.
Í dag getur kerfið greint fólk og farartæki, leitað eftir lýsingu (til dæmis „maður í rauðri úlpu“), lesið bílnúmer, fylgst með umferð og aðsókn og sent viðvaranir í rauntíma. Allt þetta gerist sjálfvirkt án þess að notandinn þurfi að grípa inn í og allt með persónuvernd í huga. Þetta er meðal annars gert með því að hylja andlit í rauntíma og með sérsniðnum persónuverndarsvæðum.
Hittu okkur á Haustráðstefnu Advania
Viltu sjá þetta með eigin augum? Á Haustráðstefnu Advania verðum við með bás þar sem þú getur prófað kerfið, séð gervigreindina í verki og rætt sérlausnir sem henta þínu fyrirtæki, hvort sem um er að ræða eina starfsstöð eða net útibúa um allt land.
Við bjóðum líka til hliðarviðburðar með Verkada: Andlit í móðu en ekki reglurnar.
Compliance and Verkada: Blurring Faces, Not the Rules
Morgunmatur í boði. 45 mínútna kynning þar sem við förum yfir hvernig öflugt öryggi og ströng persónuvernd (GDPR) fara fullkomlega saman. Við sýnum lausnina í beinni, kynnum nýjustu eiginleikana og gefum innsýn í hvað er framundan hjá Verkada.
AI Out of the Machine
Á stóra sviðinu heldur Jon Farkas, Field CTO hjá Verkada, erindið „AI Out of the Machine“:
Gervigreind er alls staðar núna, og þar með talið ringulreiðin í kringum hana. Ef við horfum framhjá tískuorðunum og flóðinu af „AI slop“ er ein spurning sem á skilið athygli.
Er þessi tækni raunverulega að skipta máli, eða bara að komast í fréttirnar?
Sjáumst í Hörpu
Skráðu þig á Haustráðstefnu Advania, tryggðu þér sæti á hliðarviðburðinum og fáðu morgunmat með okkur. Komdu við á básnum, prófaðu kerfið og sjáðu af hverju svo mörg íslensk fyrirtæki velja Verkada. Þessu viltu ekki missa af.
Við hlökkum til að hitta gestina á Haustráðstefnu Advania og sýna hvað Verkada hefur upp á að bjóða.