Vegna útbreiðslu Covid-19 veirunnar mun Advania færast á viðbúnaðarstigi 3 (hættustig) frá og með mánudeginum 16. mars samkvæmt ákvörðun viðbragðsteymis félagsins.

Vegna útbreiðslu Covid-19 veirunnar mun Advania færast á viðbúnaðarstigi 3 (hættustig) frá og með mánudeginum 16. mars samkvæmt ákvörðun viðbragðsteymis félagsins.

Í viðbragðsteymi félagsins sitja Ægir Már Þórisson, forstjóri, Hinrik Sigurður Jóhannesson, mannauðsstjóri, Þóra Tómasdóttir, fjölmiðlafulltrúi, Sigurður Sæberg Þorsteinsson, framkvæmdastjóri rekstrarlausna og Jón Brynjar Ólafsson, fjármálastjóri. Teymið tekur stuttan samhæfingarfund í lok hvers dags, leggur mat á upplýsingar sem tiltækar eru og gerir viðeigandi ráðstafanir.

Á viðbúnaðarstigi 3 eru umgengnisreglur sem takmarka fundarhöld og aðrar samkomur starfsfólks, engar heimsóknir eru leyfðar í húasakynni Advania, ferðalögum er haldið í algjöru lágmarki og starfsfólki gert að vinna að heiman. Aðgerðir miðast við að draga úr líkum á frekari útbreiðslu, tryggja lágmarksþjónustu við mikilvæg kerfi og forgangsraða verkefnum. Breytingum í kerfum verður haldið í algjöru lágmarki og umbótaverkefni sett á bið. Einnig má gera ráð fyrir að vettvangsþjónustu verði eingöngu sinnt í algjörum neyðartilfellum.

Advania hvetur viðskiptavini til að meta hvort þörf sé fyrir sérstakar ráðstafanir s.s. fjölga VPN tengingum fyrir sína starfsmenn, tvöföldun nettenginga eða auka tölvubúnað fyrir starfsmenn. Viðskiptavinum er bent á að hafa samband við sinn tæknistjóra eða tengilið hjá Advania eða senda póst á advania@advania.is ef óskað er eftir ráðgjöf eða aðstoð. Advania leitast við að svara öllum fyrirspurnum og þjónustubeiðnum eins fljótt og auðið er en gera má ráð fyrir einhverjum töfum á afgreiðslu mála vegna mikils álags.

Advania hvetur viðskiptavini til að fylgja fyrirmælum landlæknis sem finna má á vefsíðu Embættisins, http://landlaeknir.is.