Hver er hagræðingin af skýjalausnum?

Blogg - DD.01.YYYY

Hver er hagræðingin af skýjalausnum?

Þessi færsla á að vera gagnlegt innlegg í umræðu um skýjalausnir, kostnaðinn og ávinninginn sem hagnýting þeirra felur í sér.

Þegar við metum kostnað við rekstur tölvu- og upplýsingakerfa þarf að líta til margra þátta. Tölvurekstur fyrirtækja er oft flókinn og misjafnt hvað stjórnendur vilja telja til kostnaðar á því sviði. Mörg fyrirtæki eru með upplýsingatækniumhverfi eða kerfi sem eru komin til ára sinna. Oftar en ekki eru ferlar hjá fyrirtækjum háð þessum kerfum og lausnum. Hér er þó ekki ætlunin að setja fram tæmandi úttekt á kostnaði við flutning upplýsingatækniumhverfis fyrirtækja í skýið heldur á þessi færsla að vera gagnlegt innlegg í umræðu um skýjalausnir, kostnaðinn og ávinninginn sem hagnýting þeirra felur í sér.

Mismunandi rekstrarform

Hýsing hjá fyrirtæki: Skrifstofa eða höfuðstöðvar fyrirtækis er með tölvuskáp eða herbergi þar sem tölvukerfi og hugbúnaður er hýstur.

Hýsing hjá hýsingaraðila: Fyrirtæki tengist einni eða fleiri tölvumiðju. Sækir þjónustu og lausnir til hýsingaraðila og nýtir ýmist vélbúnað hjá honum eða sinn eigin búnað sem hýsingaraðilinn rekur.

Ský: Fyrirtæki tengist þjónustum hjá hýsingaraðilum í gegnum Internetið. Um er að ræða tölvuumhverfi, hugbúnað eða gagnaveitur sem geta verið hýstar víða um heim.

Deila má um hvar ávinningurinn af skýjalausnum liggur en skoðum nokkra kostnaðarliði:

Kostnaðarliður	Hýsing hjá fyrirtæki	Hýsing hjá hýsingaraðila	Ský
Leyfiskostnaður	Kaup/leiga	Leiga	Leiga/innifalið
Vélbúnaður	Kaup	Leiga	Skv. notkun
Varabúnaður	Kostnaður við kaup x3	Kostnaður við leigu x2	Innifalið
Uppfærslur	Kaup, leiga, skipulag og vinna	Vinna	Innifalið
Diskar og stýringar	Kaup í stökkum	Kaup/aukning eftir þörfum	Innifalið
Gagnamagn	Kaup í stökkum	Aukning eftir þörfum	Aukning/innifalið
Rafmagn og kæling	Búnaður + rekstur	Innifalið	Innifalið
Staðsetning	Heima	Á Íslandi, oftast á höfuðborgarsvæðinu	Erlendis
Niðurhal og flutningur	Innlent	Innlent	Erlent
Öryggi	Veltur á fjárfestingu og þekkingarstigi	Fer eftir hýsingaraðila	Öryggi mjög gott en sumt þarf að tryggja sérstaklega

Þetta er ekki nákvæm skilgreining, en ég tel þetta nokkuð góða umræðupunkta, sérstaklega út frá því að margir stórir kostnaðarliðir haldast óbreyttir á milli rekstrarforma. Þar má nefna aðlögun, sérlausnir, viðskiptagreind og þjálfun starfsmanna og notenda.

Aðrir þættir sem skipta máli

Þar sem yfirskrift þessa bloggs er hagræðing í skýjalausnum langar mig til að bæta við sértækum atriðum sem gjarnan gleymast:

Aðgangurinn er ávallt yfir Internetið og því má segi að það sé hægt að vinna hvaðan sem er svo framarlega að viðkomandi sé nettengdur
Ég tel að tölvutæknin haldi áfram að taka stórstígum framförum, atvinnulífinu til hagsbóta og að skýjalausnir hjálpi sömuleiðis við að fyrirtæki verji meiri tíma og peningum í eigin viðskipti og rekstur
Mikill kostur er falinn í því að skýjalausnir gera fyrirtækjum kleift að láta aðra um að uppfæra og reka tölvukerfin. Vilja ekki allir bara opna tölvuna og byrja að vinna strax?

Verðdæmi

Ég lýk þessari bloggfærslu með verðdæmi. Til að einfalda samanburðinn geng ég út frá því að um sé að ræða nýstofnað fyrirtæki. Ég sleppi kostnaði sem er óháður því hvernig rekstri tölvukerfa er háttað, t.d. einkatölvur og nettengingar. Fyrirtækið er lítið nýsköpunarfyrirtæki með flotta viðskiptahugmynd, forstjóra, markaðsstjóra, aðstoðarmann og einn snilling. Kröfurnar eru einfaldar, allir vinna í öllu (nema snillingurinn sem passar „vöruna“), koma þarf fyrirtækinu á framfæri og fjármagn er af skornum skammti.

Hér er það sem þarf:

Skrifstofuhugbúnaður	Vefþjónn og viðmót
Bókhald	Skjalageymsla
Fjarvinnsla	Tölvupóstur
Samstarfsgrunnur	Vélbúnaður fyrir sýndarumhverfi

Útreikningurinn

Lokaorð

Þetta blogg er fyrst og fremst skrifað til að vekja athygli á þeim mun sem er á milli mismunandi rekstrarforma. Ráðgjafafyrirtæki eins og til dæmis Gartner telja að framsækin fyrirtæki í örum vexti muni hagnýta skýjalausnir. Íslensk fyrirtæki hafa aðeins haft aðgang að þessum lausnum 1,5 til 2 ár og tengingar við umheiminn hafa valdið óöryggi. Betri tímar eru framundan hvað það varðar.

Við hjá Advania höfum í áratugi hýst fjölbreytt kerfi og flóknar lausnir fyrir íslensk og erlend fyrirtæki og teljum Tölvuskýið vera viðbótartækni öllum til hagsbóta þegar rétt er að staðið.

Fyrir þá sem hafa áhuga á að skoða þetta nánar eða fræðast örlítið, erum við alltaf með heitt á könnunni og tilbúin að taka á móti einstökum aðilum eða hópum.

Fleiri fréttir

Fréttir

Advania hlýtur viðurkenningu Jafnvægisvogar FKA

13.10.2023

Advania hlaut viðurkenningu Jafnvægisvogar FKA. Tilgangur verkefnisins er að auka jafnvægi kynja í efsta lagi stjórnunar fyrirtækja í íslensku viðskiptalífi og að virkja íslenskt viðskiptalíf til að verða að fyrirmynd jafnréttis fyrir aðrar þjóðir.

Fréttir

Advania kaupir RTS í Svíþjóð

10.10.2023

Til að styrkja enn frekar vöruúrvalið í Svíþjóð mun Advania AB kaupa upplýsingatæknifyrirtækið RTS Group AB.

Blogg

Hvernig reglulegt samtal eykur árangur og ánægju starfsfólks

21.09.2023

Á dögunum fór fram áhugaverður veffundur um hvernig reglulegt samtal eykur árangur og ánægju starfsfólks

Fréttir

Breytingar á Microsoft áskriftum sem innihalda Teams

19.09.2023

Á dögunum tilkynnti Microsoft væntanlegar breytingar á áskrifaleiðum Microsoft 365, Office 365 sem innihalda Teams innan Evrópska efnahagssvæðis og í Sviss

Fréttir

Sigurður nýr forstjóri Advania í Danmörku

04.09.2023

Sigurður Sæberg Þorsteinsson hefur verið ráðinn forstjóri Advania í Danmörku. Hann var áður framkvæmdastjóri rekstarlausna hjá Advania á Íslandi.

Fréttir

Auður í framkvæmdastjórn Advania

01.09.2023

Auður Inga Einarsdóttir er nýr framkvæmdastjóri innviðalausna Advania.

Blogg

Haustráðstefnan er alveg að bresta á

31.08.2023

Hvað er gott að hafa í huga til að fá sem mest úr upplýsingatækniviðburði ársins?