Akademia fyrir tæknistelpur
Uppbygging á tækniakademíu fyrir stelpur er eitt af meginmarkmiðum samstarfs Advania og Skema.
Uppbygging á tækniakademíu fyrir stelpur er eitt af meginmarkmiðum samstarfssamnings milli Advania og menntunar- og tölvuþróunarfyrirtækisins Skema sem undirritaður var á dögunum. Tilgangur akademíunnar er að vekja áhuga stúlkna á forritun og hvetja þær til frekara náms í tölvunarfræðum.
Tæknilæsi er lykill að framtíðinni
Hagkerfi framtíðarinnar byggir á tækni, tæknilæsi og þekkingu. Í dag er þjóðfélagið háð tæknimenntuðu fólki til að hægt sé að nýta tæknina eins mikið og mögulegt er. Mikil eftirspurn er á markaði eftir tölvu- og tæknimenntuðu fólki og þá sérstaklega konum og þessu fólki standa fjölbreytt tækifæri í boði. Við þurfum að byrja strax að að þjálfa upp næstu kynslóð og efla tölvufærni í þágu þverfaglegrar hæfni í framtíðinni. Við þurfum að læra að vinna með tölvuna en ekki bara vinna á hana – líkt og við þurfum að læra að skrifa jafnt sem lesa. Það þarf því að gera umbætur í kennslustarfi í takt við tækni- og þjóðfélagslegar breytingar og koma kennslu í forritun inn í almenna kennslu í grunn- og framhaldsskólum landsins.Ísold Birta (3ja ára) segir okkur aðeins frá mikilvægi forritunar
Aðgerðir stjórnvalda
Aðeins 2,68% tíma barnanna okkar eyrnamerkt í Upplýsinga- og tæknimennt í grunnskólum landsins samkvæmt Aðalnámsskrá (!)Markvissari aðgerðir
Með því að hefjast handa snemma og helst fyrir unglingsárin þá fá bæði kynin tækifæri til að sjá möguleikana sem tækning getur boðið þeim upp á. Þau geta farið úr því að vera hinn hefðbundni neytandi yfir í að skapa sín eigin forrit. Það er í kringum unglingsárin sem við festum í sessi stereótýpur. Flestir verða hræddir við tækni og forritun því að umhverfið segir okkur að aðeins nördar geti lært að forrita og að það sé ótrúlega erfitt og þá sérstaklega fyrir stelpur. Ef börn fá snemma að kynnast forritun á jákvæðan hátt mun tæknin horfa allt öðruvísi við þeim og mörg hver vilja læra meira og byrja jafnvel að móta framtíðina í átt að tækninámi.
Forritun og sjálfsmyndarvinna
Reynslan hefur sýnt að forritunarkennsla eflir markvisst sjálfstraust stelpna og að stúlkur sem hafa lært forritun nota kunnáttuna á annan hátt en drengir. Stelpur á aldrinum 10-13 ára eru móttækilegar fyrir sjálfsmyndarvinnu og með markvissri kennslu má efla sjálfsmynd þeirra svo um munar. Sjálfsmynd stelpna hrakar mjög á unglingsárunum (sérstaklega eftir 13 ára aldur) og er því mikilvægt að styrkja stoðirnar áður en unglingsárin skella á.
Stefanía (8 ára) og Óli Stef segja okkur aðeins frá tækninni
Í Tæknistelpu-Akademíu Skema er farið yfir forritun og tækni samþætt sjálfsmyndarvinnu og eru einkunnarorð akademíunnar skemmtun, samstaða og styrkur. Markmið Akademíunnar er að útskrifa tæknistelpur með skýra og jákvæða sjálfsmynd.
"Dóttur minni finnst þetta skemmtilegasta fagið í skólanum þessa önnina og segist ætla að verða forritari þegar hún verður stór. Það segir allt sem segja þarf. Ég er mjög ánægð með þetta framtak og vona að forritun verði kennd öllum grunnskólanemendum í framtíðinni."
Móðir 10 ára stelpu