Arnar Ágústsson stýrði fjórða og síðasta veffundinum okkar í Öryggisoktóber.

Fréttir - 30. október 2026

Hakkarinn þarf ekki að brjótast inn ef hann getur skráð sig inn

Sylvía Rut Sigfúsdóttir
samskiptastjóri Advania

**Starfsmaður opnar viðhengi, slær inn lykilorðið og staðfestir innskráninguna með fjölþátta auðkenningu. Svo heldur hann áfram að vinna í tölvupóstinum eins og ekkert hafi í skorist. Á meðan situr árásaraðili inni í sömu lotu og undirbýr að fá falsaðan reikning greiddan.**

Á síðasta veffundi Advania í Öryggisoktóber ræddu Arnar Ágústsson, deildarstjóri rekstrarlausna hjá Advania, og Claus Madsen, kerfisverkfræðingur hjá Arrow, um hvers vegna lítil og meðalstór fyrirtæki eru orðin eftirsótt skotmörk. Fundurinn fór fram á ensku undir heitinu Handan Business Premium: Eru öryggismálin tilbúin fyrir tíma gervigreindar?

Þar kom meðal annars fram að árásaraðilar sækjast síður eftir því að koma spilliforritum inn á tölvur. Þeir beina sjónum sínum frekar að auðkennum notenda, með veiðipóstum, félagslegri verkfræði og djúpfölsunum. Spilliforrit er hægt að greina. Þegar árásaraðili hefur náð aðgangi að notandareikningi vinnur hann hins vegar sem notandinn sjálfur, og það sést ekki nema réttu tólin séu til staðar.

Microsoft 365 Business Premium var hannaður sem heildarlausn fyrir minni fyrirtæki fyrir sjö til átta árum, áður en gervigreindin fór að gefa þekktum árásaraðferðum aukinn kraft. Claus fer yfir hvað viðbótin Defender Suite bætir við, svo sem áhættumiðaða innskráningu og vernd fyrir auðkenni í blönduðu umhverfi. Hann leggur líka áherslu á að lausnin henti ekki öllum og að fyrsta skrefið sé alltaf að meta hvort fyrirtækið þurfi á henni að halda.

Arnar og Claus ræða einnig hvers vegna einhver þarf að vakta kerfin allan sólarhringinn. Árásaraðilar hætta ekki klukkan fjögur, og fæst lítil fyrirtæki hafa eigin öryggissérfræðinga á vakt.

Fundurinn var sá síðasti í veffundaröð Advania í Öryggisoktóber. Október er tileinkaður netöryggi víða um Evrópu. Öryggisoktóber, eða Evrópski netöryggismánuðurinn (European Cybersecurity Month), er haldinn ár hvert að frumkvæði Netöryggisstofnunar Evrópusambandsins (ENISA) og framkvæmdastjórnar ESB. Markmiðið er að efla vitund fyrirtækja, stofnana og almennings um netógnir og góðar öryggisvenjur.

Fleiri fréttir

Fréttir
13.11.2026
Sigurður Gunnar Gissurarson hefur verið ráðinn framkvæmdastjóri Viðskiptalausna Advania.
Fréttir
13.11.2026
Microsoft hefur tilkynnt um umfangsmikið rekstraratvik í Microsoft 365-þjónustum sínum sem hefur áhrif á notendur víða um heim. Truflunin hefur meðal annars áhrif á Microsoft Outlook og Exchange Online, en einnig geta komið upp vandamál við notkun á öðrum þjónustum Microsoft, svo sem Teams, SharePoint og Microsoft 365 Copilot.
Blogg
12.11.2026
Árásaraðili var fjóra daga frá tilkynningu PaperCut um veikleika að fyrsta innbroti. Dæmigert fyrirtæki er 43 daga að loka veikleika sem þegar er verið að nýta í árásum. Það bil verður ekki brúað með handavinnu.
Fréttir
09.11.2026
Í kvöld var tilkynnt að Microsoft hefur valið Advania sem samstarfsaðila ársins 2026 á Íslandi (e. Regional Partner of the Year).
Fréttir
09.11.2026
Hildur Einarsdóttir, forstjóri Advania á Íslandi, er verndari Mentorverkefnis FKA Framtíðar starfsárið 2026 til 2027. Verkefnið var formlega sett á sérstökum opnunarviðburði í höfuðstöðvum Deloitte þar sem Hildur flutti erindi.
Fréttir
06.11.2026
Advania hélt í vikunni morgunverðarfund um næstu bylgju Microsoft Power Platform, þar sem fjallað var um hvernig öpp, sjálfvirkni og gervigreindarerindrekar eru að breyta vinnulagi fyrirtækja.
Fréttir
05.11.2026
Í tengslum við Haustráðstefnu Advania í ár héldum við sérstakan HPE Deep Dive viðburð þar sem sjónum var beint að þróun netkerfa, sjálfvirkni og hlutverki gervigreindar í rekstri þeirra.
Fréttir
03.11.2026
Hvernig geta sveitarfélög nýtt gervigreind og sjálfvirkni til að einfalda dagleg verkefni, bæta þjónustu við íbúa og draga úr handavinnu? Það var viðfangsefni morgunverðarfundar Advania um gervigreind og sjálfvirkni fyrir sveitarfélög sem haldinn var 2. nóvember.
Fréttir
30.10.2026
**Starfsmaður opnar viðhengi, slær inn lykilorðið og staðfestir innskráninguna með fjölþátta auðkenningu. Svo heldur hann áfram að vinna í tölvupóstinum eins og ekkert hafi í skorist. Á meðan situr árásaraðili inni í sömu lotu og undirbýr að fá falsaðan reikning greiddan.**
Fréttir
29.10.2026
Ingunn Guðmundsdóttir hefur tekið við starfi mannauðsstjóra Advania. Hún hefur starfað hjá Advania undanfarin þrjú ár við mannauðsmál og stjórnendaráðgjöf.
Fréttir
29.10.2026
Advania er í hópi Framúrskarandi fyrirtækja 2026 samkvæmt greiningu Creditinfo. Listinn var kynntur við hátíðlega athöfn í Hörpu í gær.
Fréttir
28.10.2026
Fyrir ári fór ný vefverslun Nathan í loftið, byggð á DynamicWeb í samstarfi við Advania. Við óskum Nathan innilega til hamingju með eins árs afmæli sameinaðs félags og nýju vefverslunarinnar.
Viltu vita meira?

Tölum saman

Viltu vita meira? Sendu okkur fyrirspurn.