18.09.2024

Liggja verðmæti í skúffum þíns vinnustaðar?

Allt gott þarf að taka enda eins og segir í kvæðinu. En þarf það endilega að eiga við tölvubúnað sem vinnustaðir eru hættir að nota?

Bragi Gunnlaugsson
Sérfræðingur, innviðalausnum Advania

Tölvubúnaður er án efa bakbeinið í rekstri flestra fyrirtækja í dag. Án tölva, skjáa, gagnageymsla og jafnvel lyklaborða kæmist lítið í verk. Það hefur óneitanlega í för með sér að vinnustaðir kaupa, nota og fleygja talsverðu magni af búnaði á ári hverju. Sem getur að endingu framleitt ofgnótt af rafrusli ef ekki er haldið rétt á spilunum. Þarna viljum við koma inn í.

Gefðu þínum búnaði framhaldslíf

Framhaldslíf búnaðar snýst um að hámarka nýtingu á tölvubúnaði og farga úreltum eða óþörfum tölvubúnaði og vélbúnaði á öruggan og ábyrgan máta. Advania tryggir að gömlu tækin séu endurunnin, endurnýtt eða gert við þau til að þau nýtist áfram.

Þú getur valið á milli þriggja leiða til að veita þínum gamla búnaði, sem henta eftir ástandi hans:

  • Endurnýting: Advania tekur á móti tölvubúnaði frá fyrirtækjum, lætur yfirara hann, eyðir gögnum af honum og gerir kláran fyrir nýtt hlutverk. Þetta er t.d kjörið ef fyrirtæki vilja nýta búnað í önnur verk eða jafnvel afhenda starfsfólki til eignar.
  • Endursala: Advania tekur við gömlum búnaði og gefur inneign upp í nýjan. Gert er við tæki, þau eru yfirfarin, endurbyggð og seld í gegnum samstarfsaðila. Ef endurnýjun búnaðar er í gangi, er þarna því hægt að lækka verð í innkaupum á einfaldan hátt.
  • Endurvinnsla: Ef ekki er hægt að endurnýta tæki, endurvinna samstarfsaðilar Advania íhluti þeirra og hráefni á umhverfisvænan hátt. Með þessu er hægt að sporna við að gamall búnaður endi í landfyllingum, og tryggja lágmarks umhverfisáhrif.

Hvernig hefst ég handa?

Að vera hluti af lausninni á ekki að vera flókið. Advania kappkostar við að ferillinn sé einfaldur fyrir viðskiptavini og fylgir því einn sérfræðingur málinu frá upphafi til enda, og sér til þess að allt gangi smurt fyrir sig. Við eða samstarfsaðili okkar sækir búnaðinn beint á vinnustaðinn og kemur í réttan farveg. Það eina sem þú þarf að gera til að hefjast handa, er að fylla út formið á lendingarsíðu verkefnisins - og við sjáum um rest.

Fleiri fréttir

Fréttir
09.01.2025
NVIDIA kynnti nýlega Project DIGITS. Gervigreindar-ofurtölvu sem veitir rannsakendum, gagnavísindamönnum og nemendum um allan heim aðgang að gervigreindarlausninni NVIDIA Grace Blackwell. Þetta er í fyrsta sinn sem slíkt afl er beislað í boxi sem passar á ósköp venjulegt skrifborð.
Blogg
07.01.2025
Sem netöryggisráðgjafi rekst ég oft á fyrirtæki sem treysta á Linux netþjóna til að keyra mikilvæg kerfi og forrit, en á sama tíma eru þau ekki fullviss um öryggi og stöðugleika þeirra. Hver kannast ekki við Linux þjóna sem hafa verið keyrandi í mörg hundruð daga án þess að vera endurræstur? Það má ekki endurræsa því þetta einfaldlega virkar og þekkingin til að bilanagreina ef eitthvað bilar er ekki til staðar. Þá er gott að spyrja sig, hver er raunveruleg staða öryggis, uppfærslna og viðhalds á þínum Linux netþjónum?
Fréttir
06.01.2025
Advania á Íslandi er nú í hæsta mögulega flokki samstarfsaðila NVIDA. Þetta markar tímamót í samstarfi fyrirtækjanna og opnar á frekari möguleika.
Viltu vita meira?

Tölum saman

Viltu vita meira? Sendu okkur fyrirspurn.