Sylvía Rut Sigfúsdóttir
samskiptastjóri Advania

Þegar aðaldagskrá Haustráðstefnu Advania lauk í Silfurbergi Hörpu fimmtudaginn 10. september var dagurinn ekki alveg búinn. Hildur Einarsdóttir forstjóri Advania á Íslandi bauð gestum yfir á sýningarsvæði ráðstefnunnar í Norðurljósum í mat og drykk. Kokteilboðið í lok ráðstefnu var í þetta skipti haldið í samstarfi við Fortinet, einn af aðalsamstarfsaðilum ráðstefnunnar.

Kokteilboðið er orðið fastur liður í lok ráðstefnudagsins og þjónar mikilvægum tilgangi. Þar gefst gestum tækifæri til að mynda tengsl þvert á fyrirtæki og atvinnugreinar og halda áfram samtalinu um erindi dagsins í rólegra umhverfi en ráðstefnusalurinn býður upp á. Svo gátu ráðstefnugestir kynnt sér betur bása sýningarsvæðisins og kafað enn dýpra í tækni og lausnir.  DJ Dóra Júlía sá um tónlistina líkt og síðustu ár.

Hörður Sveinsson ljósmyndari Advania fangaði stemninguna í Norðurljósum.