Þórður Ingi Guðmundsson forstöðumaður Gervigreindarseturs Advania skrifar hugleiðingar um gervigreind.

Blogg - 7. maí 2026

Tækifærin framundan með gervigreind

Þórður Ingi Guðmundsson
forstöðumaður Gervigreindarseturs Advania

Þessa dagana snýst umræða um gervigreind mikið um það hvaða störf eru að verða úrelt og hvar fyrirtæki geti mögulega skorið niður og sparað stöðugildi. Þó það sé sannarlega eitthvað sem er mikilvægt að vera með augun á, þá segir það bara hálfa söguna.

Þegar tæknibyltingar eiga sér stað gleymist oft að þó margt sem við þekkjum í dag verði orðið úrelt á morgun, sum störf breytist eða jafnvel hverfi, verður á sama tíma til nýtt viðmið um virði. Eitthvað sem okkur órar ekki fyrir í dag verður hægt á morgun og í leiðinni nýjar aðferðir til vaxtar og verðmætasköpunar sem aftur leiðir til nýrra og breyttra starfa.

Eitt dæmi um slíkt er þegar bíllinn var fundinn upp. Þá óraði eflaust engum fyrir því hversu mörg störf og  verðmæti yrðu til í framhaldinu. Bensínstöðvar, umferðamannvirki, tryggingar og bílaleigur litu dagsins ljós svo dæmi séu nefnd. Störfin við að sinna hestunum hurfu vissulega en á móti sköpuðust mun fleiri og verðmætari störf fyrir samfélagið, svo ekki sé minnst á allt það sem bíllinn gerði fyrir samfélagið í heild sinni, líkt og betri og ódrýari vöruflutningar, ferðalög og margt fleira sem skapaði enn meiri verðmæti.

Hver er raunverulegi ávinningurinn?

Sama þróun er að eiga sér stað núna þar sem margt af því sem við eigum að venjast í dag mun koma til með að breytast, en á móti verða til tækifæri sem við getum ekki ímyndað okkur fyrr en við sjáum þau. Fyrirtæki sem nálgast gervigreind í gegnum mjög þröngt sjónarhorn, til dæmis einungis til að spara kostnað, eru líklegri til að missa af stærstu tækifærunum sem umbyltingin mun hafa í för með sér, að endurhugsa hvernig þau skapa virði. Í samlíkingunni hér að ofan þá væri það eins og að halda áfram að nota bíla eins og við höfðum notað hestakerrur í staðinn fyrir að breyta því hvernig við notum tækið, hraðann sem við keyrum á með tilheyrandi uppfærslum á vegum og mannvirkjum til að styðja við fulla nýtingu.

Þegar gervigreind er innleidd er þess vegna mikilvægt að horfa ekki eingöngu til einstakra verkefna sem eru unnin í dag og reyna að koma þeim inn í gervigreindartól. Mesta virðið fæst með því að horfa til áskorana og tækifæra fyrirtækisins í heild sinni til að átta sig á því hvar raunverulegur ávinningur liggur til lengri tíma.

Hvað getur þú gert í dag sem ekki var hægt fyrir ári síðan, eða í síðasta mánuði?

Fleiri fréttir

Fréttir
13.11.2026
Sigurður Gunnar Gissurarson hefur verið ráðinn framkvæmdastjóri Viðskiptalausna Advania.
Fréttir
13.11.2026
Microsoft hefur tilkynnt um umfangsmikið rekstraratvik í Microsoft 365-þjónustum sínum sem hefur áhrif á notendur víða um heim. Truflunin hefur meðal annars áhrif á Microsoft Outlook og Exchange Online, en einnig geta komið upp vandamál við notkun á öðrum þjónustum Microsoft, svo sem Teams, SharePoint og Microsoft 365 Copilot.
Blogg
12.11.2026
Árásaraðili var fjóra daga frá tilkynningu PaperCut um veikleika að fyrsta innbroti. Dæmigert fyrirtæki er 43 daga að loka veikleika sem þegar er verið að nýta í árásum. Það bil verður ekki brúað með handavinnu.
Fréttir
09.11.2026
Í kvöld var tilkynnt að Microsoft hefur valið Advania sem samstarfsaðila ársins 2026 á Íslandi (e. Regional Partner of the Year).
Fréttir
06.11.2026
Advania hélt í vikunni morgunverðarfund um næstu bylgju Microsoft Power Platform, þar sem fjallað var um hvernig öpp, sjálfvirkni og gervigreindarerindrekar eru að breyta vinnulagi fyrirtækja.
Fréttir
05.11.2026
Í tengslum við Haustráðstefnu Advania í ár héldum við sérstakan HPE Deep Dive viðburð þar sem sjónum var beint að þróun netkerfa, sjálfvirkni og hlutverki gervigreindar í rekstri þeirra.
Fréttir
03.11.2026
Hvernig geta sveitarfélög nýtt gervigreind og sjálfvirkni til að einfalda dagleg verkefni, bæta þjónustu við íbúa og draga úr handavinnu? Það var viðfangsefni morgunverðarfundar Advania um gervigreind og sjálfvirkni fyrir sveitarfélög sem haldinn var 2. nóvember.
Fréttir
30.10.2026
**Starfsmaður opnar viðhengi, slær inn lykilorðið og staðfestir innskráninguna með fjölþátta auðkenningu. Svo heldur hann áfram að vinna í tölvupóstinum eins og ekkert hafi í skorist. Á meðan situr árásaraðili inni í sömu lotu og undirbýr að fá falsaðan reikning greiddan.**
Fréttir
29.10.2026
Ingunn Guðmundsdóttir hefur tekið við starfi mannauðsstjóra Advania. Hún hefur starfað hjá Advania undanfarin þrjú ár við mannauðsmál og stjórnendaráðgjöf.
Fréttir
29.10.2026
Advania er í hópi Framúrskarandi fyrirtækja 2026 samkvæmt greiningu Creditinfo. Listinn var kynntur við hátíðlega athöfn í Hörpu í gær.
Fréttir
28.10.2026
Fyrir ári fór ný vefverslun Nathan í loftið, byggð á DynamicWeb í samstarfi við Advania. Við óskum Nathan innilega til hamingju með eins árs afmæli sameinaðs félags og nýju vefverslunarinnar.
Blogg
27.10.2026
Í morgun opnuðum við hliðin, og það sem beið hinum megin stóðst allar væntingar. Full stofa, ilmandi morgunverður og rafmagnað andrúmsloft. Morgunfundurinn Opnum hliðin með Genesys í Guðrúnartúni heppnaðist einstaklega vel, og við sitjum eftir með bros á vör og fullt af nýjum hugmyndum.
Viltu vita meira?

Tölum saman

Viltu vita meira? Sendu okkur fyrirspurn.