Landssamtök hjólreiðamanna og Hjólafærni veittu Advania Hjólaskálina 2019 fyrir framúrskarandi starf að eflingu hjólreiða. Hjólaskálin er viðurkenning fyrir að hafa hlúð vel að hjólreiðum, verið hvetjandi og öðrum góð fyrirmynd í að tileinka sér hjólreiðar í daglegum önnum.

Landssamtök hjólreiðamanna og Hjólafærni veittu Advania Hjólaskálina 2019 fyrir framúrskarandi starf að eflingu hjólreiða. Hjólaskálin er viðurkenning fyrir að hafa hlúð vel að hjólreiðum, verið hvetjandi og öðrum góð fyrirmynd í að tileinka sér hjólreiðar í daglegum önnum.

Höfundur og hönnuður Hjólaskálarinnar er Inga Elín Kristinsdóttir myndlistamaður og það er Reykjavíkurborg sem gefur skálina. Landssamtök hjólreiðamanna og Hjólafærni á Íslandi velja handhafa Hjólaskálarinnar á hverju ári. Meðal þeirra sem hlotið hafa skálina áður eru Hjólakraftur, Isavia, Vínbúðin, Landspítalinn og Albert Jakobsson.

Haukur Eggertsson stjórnarmaður í Landssamtökum hjólreiðamanna og Sesselja Traustadóttir framkvæmdastýra Hjólafærni afhentu Ægi Má Þórissyni forstjóra Advania verðlaunin á ráðstefnunni Hjólum til framtíðar í ráðhúsi Garðabæjar á dögunum.

„Landsamtök hjólreiðamanna hafa ákveðið að veita Advania Hjólaskálina 2019. Advania er stór vinnustaður með yfir 600 starfsmenn. Fyrirtækið eru nokkuð miðsvæðis í Reykjavík nálægt Hlemmi og liggur því nokkuð vel við almenningssamgöngum. Þá hefur Advania byggt upp stóra og góða aðstöðu fyrir hjólreiðamenn og yfir sumarið mætir ríflega fimmtungur starfsmanna á hjóli. Þá hefur um helmingur starfsmanna gert samgöngusamning við félagið. Fyrirtækið varð fyrir vikið fyrsta fyrirtækið til að fá platínu hjólavottun fyrir aðbúnað hjólafólks. Geymslur geta tekið á annað hundrað hjól og er þurrkaðstaða og góð búninga- og sturtuaðstaða á vinnustaðnum,“ sagði Haukur Eggertsson frá Landsamtökum hjólreiðamanna við afhendinguna.
Hann sagði jákvæðra ruðningsáhrifa Advania hafa gætt víða í nærsamfélaginu. Starfsfólk fyrirtækisins hefði staðið sig afar vel í Wow Cyclothoninu og átakinu Hjólað í vinnuna.
„Landssamtök hjólreiðamanna eru því sannfærð um að Advania sé vel að viðurkenningunni komið,“sagði Haukur.

Starfsfólk Advania þakkar kærlega fyrir verðlaunin og ætlar að halda áfram að efla hjólamenninguna innan fyrirtækisins.