ViðburðirHjálpVefverslun
Loka valmynd

Blogg - DD.10.YYYY

Hvað er þetta Oracle?

Fjárhags- og mannauðskerfi ríkisins byggir á Oracle E-Business Suite frá Oracle Corporation, sem er stærsta hugbúnaðarfyrirtæki veraldar þegar kemur að lausnum fyrir stórar og flóknar rekstrareiningar með dreifðan rekstur og miklar kröfur til upplýsingatækni.

Oracle fjárhags- og mannauðskerfi ríkisins hafa verið í kastljósi fjölmiðla undanfarna daga. Að gefnu tilefni hefur undirritaður sett saman nokkra punkta um þetta viðamikla kerfi, sem hefur um ellefu ára skeið þjónað tugþúsundum notenda.

Aðalatriðin í þessari samantekt eru eftirfarandi.

  • Oracle hefur um 115 þúsund sérfræðinga í vinnu við framþróun sinna lausna
  • Oracle fjárhags- og mannauðslausnir eru notaðar af 65 þúsund fyrirtækjum
  • Kerfið hefur verið innleitt hjá 213 stofnunum hér á landi og hefur 16 þúsund notendur
  • Oracle-innleiðingin er gríðarlega umfangsmikil og slík verkefni eru aldrei hnökralaus

Öflugur bakhjarl

Fjárhags- og mannauðskerfi ríkisins byggir á Oracle E-Business Suite frá Oracle Corporations, sem er stærsta hugbúnaðarfyrirtæki veraldar þegar kemur að lausnum fyrir stórar og flóknar rekstrareiningar með dreifðan rekstur og miklar kröfur til upplýsingatækni. Oracle Corp. er alþjóðlegt risafyrirtæki, sem veltir árlega um 4.600 milljörðum króna og starfslið fyrirtækisins telur um 115 þúsund manns. Fyrirtækið hefur reynst ómetanlegur og öflugur bakhjarl í þessu verkefni.

65 þúsund viðskiptavinir

Fjárhags- og mannauðskerfi Oracle eru í notkun hjá 65 þúsund fyrirtækjum og stofnunum á heimsvísu. Þar á meðal eru Alcoa, AT&T, Facebook, France Telecom, Fujitsu, Hyundai, LG Electronics, McDonald's, skoska ríkið, Toyota, Unisys og Virgin. Þessir aðilar velta tugþúsundum milljarða króna, starfsfólk þeirra er talið í milljónum og viðskiptavinir skipta hundruðum milljóna.

Kemur víða við sögu

Oracle kemur við sögu á flestum sviðum í starfsemi hins opinbera. Það inniheldur yfir 60 kerfishluta og 400 séraðlagaðar einingar.
Þrír stærstu hlutar kerfisins skiptast í fjárhag, mannauð og vörustýringu.

  • Fjárhagur; reikningar, afstemmingar, uppgjör, samþykktir, skjöl og verkefni
  • Mannauður; laun, ráðningarferli, fræðsla, vaktir og viðvera
  • Vörustýring; birgðir, framleiðsla, innkaup, sala, útboð, verslun og eignaumsjón

Framþróun Oracle á Íslandi

Ör framþróun kerfisins og uppfærslur á því þýða að kerfið sinnir víðtækara hlutverki í dag, en gert var ráð fyrir í upphafi. Slíkt er vel þekkt í umfangsmiklum upplýsingatækniverkefnum, nýir möguleikar hafa opnast og þarfir notenda breyst. Frá því að kerfið var tekið í notkun hafa verið þróaðar fjöldi svokallaðra sérlausna og mikil vinna verið lögð í framþróun kerfisins, í samræmi við óskir verkkaupa. Grunnkerfi Oracle E-Business Suite hefur farið í gegnum tvær umfangsmiklar uppfærslur sem fólu í sér nær algera endurnýjun á bæði innviðum þess og notendaviðmóti.

Margvíslegur ávinningur

Oracle-kerfið hefur skilað hinu opinbera margvíslegum ávinningi, enda einstakt að þjóðríki hafi heildaryfirsýn yfir fjárhag sinn og mannauð í einni samþættri lausn. Fjármálaráðuneytið sjálft hefur fullyrt að innleiðing á Oracle-kerfinu hafi stórlega bætt fjárhagsupplýsingar ríkisins til bæði stjórnunar og uppgjörs.

Náið samstarf

Ljóst er að í rekstri, þróun og þjónustu við upplýsingatæknikerfi, sem er jafn umfangsmikið og fjárhags- og mannauðskerfi ríkisins, munu ávallt koma upp frá einum tíma til annars einhver rekstrar- og öryggisfrávik. Sumt má rekja til grunnkerfisins sjálfs og annað til þeirra sem vinna við kerfið – bæði þjónustuaðila og notenda. Viðfangsefni sem lúta að þessu hafa alla tíð verið leyst jafnóðum, í nánu samstarfi viðskiptavinar, Advania og Oracle. Það er ekkert launungarmál að æskilegt er að sem fæst slík frávik og villur komi upp.

Sólarhringsvakt sérfræðinga

Sérstök sólarhringsvakt er á Oracle-kerfinu, allt árið um kring. Það þýðir að alltaf eru sérfræðingar á vakt, hvort heldur sem er frá Oracle eða Advania, sem taka á þeim rekstraratvikum sem upp koma. Alþjóðlegar gæða- og öryggisvottanir Advania samkvæmt ISO 9001 og ISO 27001 tryggja sömuleiðis að öll vinna kringum Oracle-kerfið er unnin af fagfólki í fremstu röð, sem nýtur stuðnings frá hinum 115 þúsund sérfræðingum sem Oracle hefur í vinnu.

Fleiri fréttir

Blogg
Advania Nordic CX Forum haldið í fyrsta sinn
16.02.2023
Á dögunum hélt Advania í fyrsta skiptið Nordic CX Forum í Stokkhólmi í Svíþjóð. Tilgangur viðburðarins var að deila sérfræðiþekkingu og skapa tengslanet meðal viðskiptavina okkar sem nota Genesys Cloud á Norðurlöndunum.
businesscentral.advania.is, Blogg
Business Central í skýinu
23.01.2023
Á síðustu misserum hefur þróunin orðið sú að fyrirtæki innleiða í auknum mæli skýjaútgáfuna af Business Central bókhaldskerfinu. Advania hefur aðstoðað yfir 200 fyrirtæki við þá innleiðingu og fer þeim stöðugt fjölgandi. Ýmsar skýringar eru á þessari þróun.
Blogg
Veistu þitt skýjaspor?
13.01.2023
Hefur þú velt fyrir þér hvernig stafrænu lausnirnar sem þú notar daglega virka á bakvið tjöldin?
Fréttir
Sía í framkvæmdastjórn Advania
23.11.2022
Sigríður Sía Þórðardóttir hefur verið ráðin framkvæmdastjóri viðskiptalausna Advania. Hún fer fyrir öflugu teymi sérfræðinga sem aðstoða fyrirtæki á sinni skýjavegferð.
Fréttir
Advania verður söluaðili Airtame á Íslandi
16.11.2022
Airtame og Advania gerðu á dögunum með sér samstarfsamning um að Advania verði sölu- og þjónustu aðili Airtame á Íslandi.
Veflausnir, Blogg
Vefverslanir á krossgötum
09.11.2022
Það urðu miklar sviptingar á sviði vefverslana hér á landi í kjölfar heimsfaraldursins og aukinnar samkeppni erlendis frá. Álag á vefverslanir margfaldaðist og fjöldi pantana jókst mikið.
Fréttir
Advania hlýtur samstarfsverðlaun frá Dell Technologies
07.11.2022
Advania á Íslandi hlaut á dögunum sérstakar viðurkenningar frá Dell Technologies sem samstarfsaðili ársins 2022 fyrir framúrskarandi árangur í sölu, ráðgjöf og þjónustu.
Fréttir
Advania stækkar í Danmörku
02.11.2022
Advania kaupir upplýsingafyrirtækið CLOUDIO A/S í Danmörku og breikkar vöruúrvalið
Blogg
Samtal sem mætir þörfum starfsfólks og stjórnenda
01.11.2022
Mannauðslausnin Samtal mætir þörfum starfsfólks og stjórnenda fyrir regluleg samtöl sín á milli, út frá hugmyndafræði um mannauðsstjórnun eftir þörfum eða „Agile HR“
Blogg
Spennandi búnaður sem tilbúinn er til afhendingar
21.10.2022
Fyrir stuttu síðan kom út grein frá Gartner sem fjallar um níu „trend“ eftir Covid-19. Faraldurinn hefur haft ýmsar breytingar í för með sér fyrir fyrirtæki og eru mannauðsdeildir víðsvegar um heim að meta skammtíma- og langtímaáhrif í gegnum ýmsa þætti.
Fréttir
Nýr forstjóri Advania-samsteypunnar
12.10.2022
Hege Støre er nýr forstjóri Advania-samsteypunnar sem nú telur yfir 4000 starfsmenn á Norðurlöndunum og í Bretlandi.
Fréttir
Sérsniðin þjónustuupplifun með Genesys
05.10.2022
 Genesys er eitt stærsta nafnið í samskiptabransanum og var nýverið valið í áttunda sinn af Gartner sem leiðandi lausn fyrir samskiptaver. Í tilefni þess bauð Advania til morgunverðarfundar þar sem áhugaverðar reynslusögur voru sagðar.
Viltu vita meira?

Tölum saman

Viltu vita meira? Sendu okkur fyrirspurn.