Advania er Microsoft samstarfsaðili ársins á Íslandi
Sylvía Rut Sigfúsdóttir
samskiptastjóri Advania
Í kvöld var tilkynnt að Microsoft hefur valið Advania sem samstarfsaðila ársins á Íslandi árið 2025 (e. Partner of the Year). Þessi viðurkenning undirstrikar einstaka þekkingu og færni Microsoft sérfræðinga Advania.
Advania er með þessu heiðrað ásamt fremstu samstarfsaðilum Microsoft á heimsvísu fyrir framúrskarandi nýsköpun og innleiðingu á lausnum fyrir viðskiptavini, byggðum á Microsoft tækni.
„Við hjá Advania á Íslandi erum einstaklega stolt af því að hljóta titilinn Partner Of The Year hjá Microsoft,“ segir Hólmfríður Rut Einarsdóttir vörustjóri hjá Rekstrarlausnum Advania.
„Þessi viðurkenning staðfestir markvissa vinnu okkar við að nýta Microsoft lausnirnar til að einfalda flóknar áskoranir og tryggja öryggi. Með lausnum á borð við Skjöld, Advania Eyu og Copilot höfum við ekki aðeins stuðlað að nýsköpun, heldur gert hana hluta af daglegu lífi fyrirtækja og stofnana um land allt. Þetta er mikilvægur áfangi fyrir okkur – skref í átt að sjálfbærni og framtíð sem nýtir gervigreind á öruggan og ábyrgan hátt.“
Microsoft Partner of the Year verðlaunin eru veitt til þeirra samstarfsaðila sem þóttu framúrskarandi á árinu en valið er úr yfir 4.600 tilnefningum frá yfir hundrað löndum. Microsoft hefur nú birt listann yfir verðlaunahafa í heild sinni.
Hólmfríður Rut Einarsdóttir vörustjóri hjá Rekstrarlausnum Advania
„Verðlaunahafar ársins 2025 sýna hvað er mögulegt þegar tækni og framtíðarsýn sameinast til að styrkja viðskiptavini um allan heim,“ segir Nicole Dezen, yfirmaður samstarfsaðila og framkvæmdastjóri hjá Microsoft um tilnefningarnar í tilkynningu frá Microsoft.
2025 Microsoft Partner of the Year verðlaunin eru tilkynnt í aðdraganda Microsoft Ignite, sem fram fer í San Francisco dagana 18.-21. nóvember næstkomandi. Starfsfólk Advania á Íslandi tekur þar við verðlaununum.
Nánar má lesa um verðlaunin á vef Microsoft.